Allan Kiviaho wrote:

>
> Car Bruce!
>
> Tu allegation que le grammatica hungare esserea facile
> me un pauc astona. Io debe admitter que io non bon
> cognosce hungaro. Ma le finnese es un lingua extrememente
> complex. Le finnese ha 15 casos! Ecce le lista de casos finnese,
> in finnese:
> -----------------------------------------------------------------------
> Nominatiivi, genetiivi, akkusatiivi, essiivi, partitiivi,
> translatiivi, inessiivi, elatiivi, illatiivi, adessiivi ,
> ablatiivi, allatiivi, abessiivi, komitatiivi, instruktiivi.
> ----------------------------------------------------------------------
> Actualmente finnese ha quasi 16 casos perque 'prolatiivi' es
> quasi un caso, ubique inter adverbio e caso.
>
> Le grande numero de casos face finnese un extrememente precise
> lingua, ma anque multissimo complicate, difficile e etiam bastante
> archaic.


Oooooh! Car Allan, tu veni de facer un "blasphemo linguistic" :-) quando
tu dice que le finnese es "bastante archaic".

Il ha nule, vermente nule relation inter le numero de casos de un lingua
e le concepto de archaismo.

Il non existe linguas archaic. Cata lingua ha le mesme proprietates de
base, e face le mesme operationes :

1) In un nivelo pre-linguistic, le notiones analysate secundo
l'experientia del universo son hierachisate secundo lor statuto de
predicatos/argumentos (illo es le schema de lexis de Culioli de typo
a-R-b).

2) In le secunde nivelo se face le selection del thema, del elemento que
essera le puncto de partita sur lequal es facite le predication.
Secundo lor statuto de predicatos o argumentos, le notiones son inserate
in categorias syntaxic.
Le operation de categorisation es universal (cata lingua face isto), ma
cata lingua lo face de su proprie maniera. In francese, como in le
altere linguas latin, e plure alteres il ha 4 categorias lexical
(nomine, verbo, adverbios, adjectivos).

3) Le nivelo 3 es le nivelo ubi es construite le referentia del
argumentos e del predicatos. Iste operation es etiam univeral, ma cata
lingua lo face de su proprie maniera, e illo es le loco del plus grande
variationes inter le linguas. Illo construe le systemas morphologic del
linguas. Un lingua que ha un systema morphologic flexional ric, como
finnese o hungaro, es un lingua que ha un syntaxe minus ric, lo que
permite al lingua de facer variationes simple in re le aspectos
thema/rhema. Un lingua que ha un morphologia flexional povre, ha un
syntaxe ric e un systema de categorias grammatical plus ric, pro que le
informationes que manca in le morphologia flexional pote esser date de
un altere maniera. Iste linguas debe exprimar le aspectos thema/rhema de
maniera plus complexe.

Toto isto significa que : tote le linguas face un operation de
hierarchisation predicato/argumento; tote le linguas face un operation
de categorisation; tote le linguas face un operation de construction del
referentia.
Le differente manieras de facer lo NON POTE esser comparate e evaluate
in termino "disvelopate/minus disvelopate" o "archaïc/minus archaïc".

Quando on parla de evolution de linguas, o de zonas archaic, il se carga
del evolution de UN lingua, de su studio in diachronia.

Alora, Allan, respecta melio tu belle lingua finnese, que non es archaic
de toto.  :-)

Ha un bon die,

Amicalmente,

Anne