Io ha finite mi travalio sur iste curso, e tosto io va
comenciar su distribution.
Iste curso ha octo partes e pote usar se pro inseniar
le anglese conversational ex interlingua o le
interlingua conversational ex le anglese.
Le anglese de iste curso representa le anglese como io
lo parla in le conversation (io es un american qui ha
vivite in e circum Los Angeles, California, omne mi
vita), e le interlingua de iste curso representa un
proponite version conversational de interlingua que io
ha developpate ex mi proprie cognoscimento de su
linguas fonte.
Omne iste documentos es in WordPerfect Jr. in su
formato le plus basic pro facilitar le conversion de
iste documentos a in altere logiciel electronic pro
redaction ulterior.
Io vos invita a publicar iste curso in le Rete. Si
vos vole, vos pote publicar solmente le version
anglese o le version in interlingua. Ma io crede que
si vos publica ambe versiones in un presentation
bicolumnar, le curso esserea plus utile.
Le scenario de iste curso es multo adaptabile pro
cursos inter altere linguas europee. Io mesme spera
vider ante multe tempore versiones de iste curso inter
interlingua e altere linguas europee, specialmente le
linguas scandinave, le catalan, e altere linguas
europee que on generalmente neglige.
Il esserea possibile presentar versiones de iste curso
inter le hollandese e le germano, pro exemplo, le
danese e le svedese, o le espaniol e le portugese. Ma
si vos redige versiones in interlingua e un altere
lingua, le valor de interlingua como lingua ponte
inter le linguas europee essera fortissimente
demonstrate.
Naturalmente, si vos vole, vos pote facer cambios in
iste textos quando vos los adapta al presentation de
altere linguas (Un anglese, sin dubito, volerea facer
unes cambios a mi anglese american.)
Io spera que si vos redige versiones de iste curso
inter interlingua e altere linguas europee, vos
publicara vostre effortios in le Rete in un formato
que permittera que on los discarga rapide e
facilemente, como io ha facite con "Interlingua in
interlingua" e que vostre versiones de iste curso
essera disponibile completmente gratias a altere
studentes de linguas.
__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com
|
