Car amicos de tote le mundo,
Primo: A vos omnes, collaboratores pro le diffusion de Interlingua
io desira Felice Natal e Bon Anno Nove - le anno que completa
le semi-seculo passate desde le publication de nostre lingua! (Le 15
de januario).
Secundo: : Le successos es modeste - un celebration grandiose
del "jubileo" esserea un poco inadequate, sed certo le effortios
de milles de collaboratores enthusiastica- e seriosemente laborante
es digne de un manifestation celebratori.   Le Union Mundial po
Interlingua nos invita al 15-e Conferentia International in Gdansk.
Un del multe problemas del organisation ha devenite iste anno
plus urgente que previemente: Nos debe fixar in avantia le numero
probabile de participantes.   Pro isto nos dirige a vos omnes le
question sequente, que nos vos preca  responder intra tres-quatro
dies per un message electronic ("un elegramma") al Secr. general
Piet Cleij
<[log in to unmask]>,
un message que deberea continer uno del alternativas
1) Il es probabile que io va participar in le Conferentia in Gdansk,
Polonia le 28 de julio - 4 de augusto 2001. Io me annuncia nunc.

2) Il es possibile que io va participar.

Le precios es basse e le standard es - secundo information -
satisfactori.
Gdansk, in germano Danzig, esseva le sito ubi comenciava le secunde
guerra mundial e illo ha conservate multo del ancian character in
architectura.

Le conditiones proponite per le gerente del establimento ubi se tenera
le Conf2001 require que le comité organisatori obtine tal informationes,

que vos (e nos) de facto trova assatis difficile a livrar tanto longe
in avantia, sed - per favor, proba responder iste questiones!!!

In le lista Michael Edwards e alteres ha proponite un conferentia in
Montreal.  Pro le majoritate de americanos le alternativa de viagiar
a Polonia .probabilemente non essera plus costose; le hoteles certo
minus costose.    In cata Conf. de Interlingua tempore es reservate
pro le associationes national pro discussiones interne.  Dunque un
opportunitate pro activisar le organisation pro I-a in America,
tanto longe attendite.

Con salutes amical,
Ingvar,
membro del Consilio de UMI e de SSI