Ivan diceva:
>Que cosas dispare, Stan! Statistica io ancora sape lo que es, ma le
theoria de personalitate ... : >))
Si, mi Ph.D. esseva in le psychologia clinic. Mais io ha habite un
bursa de studio como un psychologo quantitative postea mi diploma, e
in iste maniera io ha cambiate mi carriera. Durante le 27 annos
passate io ha inseniate e varie cursos super le statistica e un
curso de theorias del personalitate. Il ha multe theorias del
personalitate - Freud, Jung, Dollard & Miller, Skinner, Rogers,
Kelly, Mower, Mischel....
Io opina que le differentias inter theorias de personalitate es
principalmente philosophic e epistemologic. Multe tal theorias es
solmente elaborationes de ideas usate per homines ordinari a
intender le intentiones e comportamento de alteros. Il ha multe
metaphoras tamben usate in conceptualizar personas.
Io es equalmente un philosopho del scientia.
Il es bon a haber multe interesses.
Ora io vide que vos proseque un nove interesse, interlingua.
O, a vices in le passato io ha essite un scriptor de programmas in
FORTRAN, PASCAL, BASIC. Ante que le Macintosh habeva introducite le
idea de un processor de texto, io ha scribite un programma in PASCAL
pro processar texto per mi computator Apple IIe, e le secretarios in
mi departmento ha usate lo pro duo annos usque le programmas
commercial lo superpassava in poter de functiones. Mais desde
reimplaciar mi Apple IIe con computatores Macintosh, io ha habite
minus necessitate de scriber programmas.
Es vos preparate pro le Y2K "bug"? In le novas del television hodie
nocte on diceva que le militar statosunitese va cooperar con le russos
a adjutar lor militar a eliminar le Y2K bug. Le americanos time que le
russos va lancear missiles al Statos Unite si lor computatores malfunctiona.
Equalmente de anxietate es le possibilitate que le computatores in le
systema de poter electric in Russia va faller in le medio del hiberno,
e multe russos va frigidar se. Russia pare non a haber le fundos pro
fixar le Y2K bug (le malfunction del anno 2000).
Stan Mulaik
|
