Car amicos,

Iste message es un reaction al message de Walter Candido de Oliveira.

1. Le parolas "governo" e "governor" non existe in interlingua. Io suppone
que le prime parola debe esser "governamento" e le secunde "governator".
Io debe confessar hic que io non ha legite le discussiones recente in
INTERLNG super iste parolas.

2. Le parola "saccharo" es un parola de interlingua que se trova in le I.E.D.
Illo es le synonimo de "sucro", que se trova anque in le I.E.D.

3. Walter propone de facer un lista de nove parolas. Iste labor non plus es
necessari. Un tal lista jam existe! Desde annos e annos le interlinguistas ha
trovate "nove" parolas, i.e. illes ha registrate le parolas international non jam
registrate. De tempore a tempore illes ha publicate le resultatos de lor labores.
Omne iste "nove" parolas se trova reunite in le "LISTA SUPPLEMENTARI
de VOCABULOS INTERNATIONAL", que (con le ADDENDA del lista)
contine 18 400 parolas. De iste libro il se trova  alte pilas super le plancas
in mi casa. Pro cata uno de nostre gruppo il ha certemente un exemplar.
Si on invia fl. 18,- (= circa 9 dollars american) in un inveloppe a mi adresse
(P.Cleij, Steenen Camer 4, 3721 NC Bilthoven, Nederland), on va reciper
iste libro le plus tosto possibile. On pote pagar me anque in francos,
marcos, etc.

Salutes amical de Piet