Martijn Dekker ha scribite:
"A me placerea multo haber accesso al modello summe
del nove computator Macintosh G5 costante in excesso
de US$10.000, ma io non ha le moneta pro comprar lo.
Negar a me (e a alteres in mi position economic)
accesso a iste essentia del vita es, toto simplemente,
un forma de discrimination inacceptabile."
---
Martijn,
Io sape que tu ha scribite iste message al minus
ironicamente, possibilemente sarcasticamente. Ma
vermente si un persona pote usar un Macintosh G5 pro
facilitar su labores pro le beneficio de alteres e si
ille o illa non ha accesso a un tal machina, iste
situation es ultragiose!
Io, como multe altere personas, prefere leger textos
su papiro, si isto es possibile, e non sur un schermo.
Ma on anque pote imprimer documentos ex le Rete pro
lectura posterior. Io incoragia que alteres imprime
documentos ex "Interlingua in interlingua" pro lor
studios e que illes los photocopia, si illes vole, pro
uso in classes.
Io sape que lo que io ha publicate in "Interlingua in
interlingua" non es "perfecte". Io ha scribite
"perfecte" proque io es convencite que le perfection
in le redaction non es possibile simplemente proque de
gustibus non es disputandum.
(In parte de un texto in anglese, pro exemplo, io
possibilemente prefererea le uso de "start" durante
que alteres prefererea "begin".)
Si omne le documentos del Servicio de Libros esseva
disponibile in le Rete, on poterea discargar los,
imprimer los, e studiar los immediatemente e
gratuitemente. E post le establimento de un tal
depositorio electronic con omne nostre bibliographia,
le labor essera finite.
Post finir mi travalio initial con "Interlingua in
interlingua" io non ha potite continuar su redaction
proque io ha solmente un hora diarie, six dies le
septimana, pro mi travalios in le Rete. Si io habeva
assatis moneta pro un connexion con le Rete in mi
proprie appartamento, io continuarea le redaction de
"Interlingua in interlingua" pro eliminar multe
errores que alteres ha trovate.
Ma "Interlingua in interlingua", ben que illo non es
"perfecte", es assatis bon, io crede, pro esser utile
a altere personas qui vole studiar interlingua, sia
nove studentes, sia veteranos qui vole continuar lor
studios.
E con mi benediction, iste veteranos pote discargar
iste textos e continuar lor redaction pro lo proprie
scopos e secundo lor proprie preferentias.
__________________________________
Do you Yahoo!?
Yahoo! Hotjobs: Enter the "Signing Bonus" Sweepstakes
http://hotjobs.sweepstakes.yahoo.com/signingbonus
|
