[Ensjo 980826]
Viste que mi amicos de INTERLNG veni ab tante locos differente, il pote
esser interessante saper como dicer "costa" o "del costa" o "costari" in
le linguas non-romanic. :-) Basco? Finlandese? Svedese? Germano?...
-----------------------------------------------------------
Allan Kiviaho 980827: Ensjo, "costa" es in finnese
"rannikko". Il es usate como un nomine, etsi il es rar.
Mi filio es un rannikkojääkäri, chassator costari, i.e. un
commando-soldato (beret verde) qui es trainate pro
battaliar in milieu amphibiose multo difficile contra le
timite truppos special del armea russe, le "Spetsnaz". Su
brigada, "Nylands Brigad", que es svedophone, era
transferite al marina de guerra antea alicun septimanas.
Le tres republicas baltic, Estonia, Latvia e Lituania,
deman establi un marina de guerra commun. Nostre filio iva
heri a Tallinn, le capital de Estonia, in un nave norvegian
super-rapide, a incontrar su collega, un ingeniero qui labora illac pro
un projecto finno-estonian. Il expecta hodie un collapso financiari in
Russia con consequentias
non-predictabile. Le armea russe ha facite manovras de
guerra presso le frontiera russo-estonian. Le nomine del
manovra era menaciante - "Le retorno", que ha evocate
nervositate in le paises baltic. Herie nos telephonava a
nostre filio pro advertir nostre filio pro le situation
precari in Russia (il ha cento milles de russos in Estonia).
Ille habeva justo arrivate et sedeva con su collega in un
parco. Hm ... Plus periculoso que le armea russe son le
gangsters russe (plus alicun estonianos) in Estonia. Estonia
ha le quarte multe casos de assassinationes per capita per
annum in le mundo postea le USA, Mexico e Brasil. Le
radiotelephono es un invention phantastic. Il ha hodie ca.
2 500 000 radiotelephonos in Finlandia (con un population de
5 000 000) e on estima que tosto le numero de radiotelephonos attinge
quasi 5 000 000 ... Nos, mi marita e
io in Vantaa e le quasimarita de nostre filio, qui travalia
in London, pote continuente monitorar como il es con nostre
filio in Estonia.
-
Salutante
Allan The Warmonger
P.S.
"Costa" es "die Küste" in germano e "kust" in svedese, i.e.
illes simila le vocabulo romanic.