Wayne,
  Vos scribe excellente interlingua.  Vos va trovar alteros aqui qui
es professionalmente occupate con le computatores - Ensjo, Frank Pfaff,
Jay.

  Un minor observation super vostre interlingua:

>Io studiate Graph Theory (le Theoria des Graphicos?), ma trovate que il
         ^^^                                                  ^^^
>habeva plus de jobs al science de computators que al mathematica,

Io face isto frequentemente, assi io es plus consciente de illo:

-ate es le suffixo pro le participio passate e non le tempore passate.

"Io studiava Graph Theory .... ma trovava que il habeva plus de jobs...."
Le anglese confunde le partipio passate e le tempore passate con le
suffixo -ed, e nos qui parla anglese va facer iste error a vices.

Le theoria del graphos es multo importante in e le studio de computatores e le
statistica de equationes structural.  A UCLA il ha Judea Pearl qui
es un scientista de computatores qui studia le causalitate e usa
le theoria de graphos extensivemente.  Io imagina que ille studiava
le causalitate proque a vices ille voleva programmar un computator a
discoperir relationes causal, un forma del intelligentia artificial.

Io visitava le Insula de Vancouver quando io esseva un puero in un
viage con altere pueros in le estate.  Io rememora que nos credeva que
il habeva le plus belle feminas in le Insula de Vancouver.

Io ha visitate le citate de Vancouver duo vices.  Bellissime citate!

Mi altere memoria de British Columbia esseva le mosquitos.  Io rememora
un nocte quando io esseva in mi tenta, in campo presso un fluvia in le
foresta, io audiva duo mosquitos parlante al un le altere. Io mirava
per un foramine in le tenta e notava que illes esseva tanto grande como
gallopavones.  Io deveniva multo timorose.  Un diceva, "Que nos prende
illes in le tenta!"  Mais le altere diceva, a mi relevamento, "Nonne,
le grande unes va solmente reprender les de nos." :-)

Stan Mulaik