=============================
ESQUE LE FEMINAS SON HOMINES?
=============================

RE:
Per Anne 970523:
Capriciotates de feminas ?  !!!   ????    !!!!!
Hum !!!!  OH!!!
> [Allan]
> Le maniera del franceses de parlar "r" non es viril, non
> caesaric, non roman, non latin.
Per Anne :
Maniera viril de parlar ??  !!!   ???
Hum ! Hum !!
Ben ! Ben ! Allan, io te pardona, ma...
Sin cholera,
e SORORelmente,
Anne

                             o o o


Car Soror Anne!

Mi textos chauvinistic e machoistic era provocative escas.

Actualmente io es pro un absolute equalitate inter le viros
e feminas. Mi filia es un feminista militante. Pro certo il existe nulle
equalitate in mi familia: Mi sposa e filia tyrannisa me e nostre
filio...

In Finlandia le equalitate del sexos es un le plus longe disveloppate in
le mundo, e.g. in nostre parlamentario ca.
40 % del membros es feminas (In Francia solmente 6 % - liberte,
fraternite, egalite ...) e Finlandia es le secunde pais ubique le
feminas obteneva le complete derectos political. Plure del ministros es
feminas, anque, etiam le director general del Banco de Finlandia, le
president del parlamento (Le secunde plus alte offcial in Finlandia,
post le president del republica), etc.

Nostre ministro del affaires estranie es un femina (Como in le Statos
Unite), etiam le ministro de defensa. Le previe ministro del defensa,
sra Elisabeth Rehn, defendeva su patria jam como un "pikku-lotta", lilla
lotta", "parve lotta" (Observa le similaritate inter 'pikku' e
'piccolo') durante le guerra quando illa habeva 8 annos (Le svedos: Si
vos visita le Frontmuseet, le museum del svedoparlante truppos del armea
finlandese in Hango"udd, specialmente dedicate le battalias contra le
armea sovietic in 1941 pro liberation del citate de Hango", in le museum
on pote vider information del Elisabeth Rehn como lilla lotta). Il es
plus information de lottas in le fin del isto texto. Hodie Elisabeth
Rehn es le consiliero del Nationes Unite pro derectos human in Bosnia.
Illa ha habite extrememente momentos de terror e.g. con excavante le
massa-graves in Srebrenica. In Srebrenica le officieros serb contendeva
que le viros e pueros (Bosnian moslemes) haberea morite in battalia. Sra
Rehn demandava que "Perque il es nulle foramines del bollettas in le
arbores circum hic?". Choccante era etiam vider como le croates
assassinava vetule feminas serbe sindefenda con jectante granatas de
mano in lor casas in Krajina in 1995.

Hodie le feminas finlandese anque ha plen derectos in le
servicio militar, alicun feminas applica se de devenir
pilotes del interceptores (F-18 Hornets, made in the U.S.A). Helvetia ha
essite in isto respecto un de plus retardato, al minus in Europa, io
crede.

In nostre corporation, le plus grande casa de medias (Jornales,
television, radio, interret) multe de chefes son feminas, como le
director de nostre division pro services electronic (Interret-jornal
etc).

MA IL EXISTE UN PROBLEMA IN INTERLINGUA, LINGUAS ROMANCE E FORSAN ANQUE
IN ANGLESE:

================================
ESQUE LE FEMINAS SON HOMINES?
SIND DIE FRAUEN AUCH MENSCHEN?
A"R KVINNORNA OCKSA* MA"NNISKOR?
OVATKO NAISETKIN IHMISIA"?
================================

Le problema grande:

interlingua   -??-
francese      -??-
espaniol      -??-
portugese     -??-
italiano      -??-
anglese       -??- (Le "human being" es un ersatz
miserabile)
german        Mensch (Der Mensch. Der? Hmmm...)
russe         tchelovek
svedese       ma"nniska
finnese       ihminen
turc          insan

interlingua   homine, viro
francese      homme
espaniol      hombre, caballero
portugese     homem, varao
italiano      uomo
anglese       man
german        Mann
russe         muzhtchina
svedese       man
finnese       mies
turc          adam (!), erkek

interlingua   femina
francese      femme, dame
espaniol      mujer
portugese     mulher
italiano      donna
anglese       woman (An appendix del costa de viro?)
german        Frau
russe         zhenshtchina
svedese       kvinna
finnese       nainen
turc          kadin, tcho

-----------------------------------------------------
Mi question al interlinguistas: Qual es der (der...?) Mensch, tchelovek,
ma"nniska, ihminen o insan in
interlinguan, italian, spaniol, portugese, francese o
anglese?
-----------------------------------------------------

Equalitatemente

Allan
[log in to unmask]

Appendix
LE LOTTAS

Un del factores decisive del superviventia de Finlandia in le guerras
contra le Union Sovietic in 1939--44 era le organisation 'Lotta Sva"rd',
un organisation voluntari del feminas pro assister del armea. Le nomine
veni del poema 'Lotta Sva"rd' in le libro 'Fa"nrik Stool's bera"ttelser
/ Va"nrikki Stool'in kertomuksia' / 'Cantos del
sub-lieutenant Stool', scripte per Johan Ludvig Runeberg,
le poeta national de Finlandia. Ille ha componite anque
le hymno national de Finlandia (Va*rt land / Maamme /
Nostre pais). 'Fa"nrik Stool's bera"ttelser' es un
collection de poemas dedicate al guerra 1808--1809, post que Finlandia
deveniva un parte del Russia usque a 1918.

Sva"rd es gladio in interlinguan, sword in anglese.
'Lotta Kilic (Kilitch)' in Turchia ...

Al minus 100 000 lottas assisteva plus o minus directemente le armeo
libertante 4 - 5 divisiones de viros al fronte (Le numero del divisiones
in le armea finlandese era in 1941 ca. 18, un chiffre enorme pro un
nation con 3.9 milliones habitantes, il corresponderea ca. 1290
divisiones in le Statos Unite de hodie, le U.S.A. habeva 80 - 90
divisiones durante le Secunde Guerra Mondial).
Plure lottas serviva anque al fronte. Un job multo grave era le
preparation de cadaveres del morite soldatos pro
inviar al casa. Un lotta-veterana narrava in television que quando illa
(illa habeva solmente 16 annos) arrivava al fronte tarde le vespere un
sub-officiero monstrava a illa
un granario que era stipate con morite, gelate soldatos,
plure de illes gravemente mutilate. Le sub-officiero diceva
sin-emotionalmente: 'I a dormir in le tenta, deman tu comenciara con
lavatura e preparation del cadaveres pro
expedition a casa!'.

Le soldatos finlandese non jammais suffreva per manco de
calide vestimentos, le lottas e pikku-lottas tricotava
infatigabilemente calcettas, nive-vestimentos etc. pro le
soldatos al fronte. Le hiberno de 1939--40 (Durante le
Guerra Hibernal) era extrememente frigide, temperaturas de
- 40o Celsius non era rara. Massas de russos gelava se al morte in le
forestes finlandese, ma a pena un singule soldato finlandese.

Additionalmente Finlandia habeva anque un organisation voluntari de
juvene pueros, 10 - 17 annos. Isto organisation era appellate
'Sotilaspojat - Soldatgossar -
Puerosoldatos'. Illo consisteva de 40 000 membros.
Le nomine 'Sotilaspojat' era etiam adaptate ab
'Fa"nrik Stool's bera"ttelser'. Illo era anque componite
per Fredrik Pacius, qui etiam componeva le hymno national de Finlandia.
Plure sotilaspojat anque serviva in brancas
armate, specialmente in batterias anti-aeree. Ma le pueros del citate
Turku/A*bo, habente solmente 15--17 annos,
formava un batteria del artilleria de campo, que luctava al fronte.

Tal sacrificios es demandate del parve nation, qui vole
defender su libertate contra un grande potente avide.

Io ipse era troppo juvene pro devenir un puerosoldato (9 annos quando le
guerra contra le Union Sovietic finiva), ma
jam ab quando io habeva solmente 7 annos io debeva laborar on campos de
feno, patatas e vegetabiles.

Patrioticamento

Allan

P.S.
Le grande heroes hodie son le feminas russe. Quando plure
viros russe solmente bibe vodka e rola in fango in
compassion excessive de se (self-pity), le feminas russe
labora sur campos e impedi le tote societate de morir per fame.