Ben que le mense de april es accompaniate per le belle flores de
primvera, aqui in Atlanta, Georgia del Statos Unite, illo equalmente
porta a nos le terribile tempestas con tornados.

Isto ha occurrite le vespere previe.  A circa 1700 horas io incendite le
television pro reciper le novas del die.  A circa 1715 le meteorologo
del station television ha reportate que un mal tempesta al west de
Atlanta esseva in le processo de approchar le region metropolitan de
Atlanta. Le novas esseva suspendite durante que le meteorologo comenciava
un description continue del tempesta, usante le radar dopplar pro monstrar
su curso. Equalmente un helicoptero que usualmente observa le circulation
de automobiles esseva divertite a observar le tempesta.  Le imagines
obtenite del helicoptero monstrava le characteristicas de un supercellula
que gira per su centro e frequentemente produce un o plus tornados. E le
imagine del radar monstrava un croc que le meteorologo diceva esseva le
forma characteristic  de un tornado vidite per le radar. Nos observava
isto durante le subsequente hora e un medie, quando le tempesta con le
tornado veniva plus proxime a nos.  Io e mi sposa ha finalmente vadite
a nostre basamento a un camera ubi nos spera nos essera plus secur.
Quando le tempesta ha movite passate nos, io ha retornate al television.
Illo monstrava que illo moveva verso le casa de mi filio.  Io essaya a
telephonar le. Nulle responsa.  Finalmente io telephonava le numero de
su telephono mobile, e ille ha respondite.  Ille esseva a un restaurante
de McDonald's con su filia e filio, post obtenir le filia a su schola.
Io ha advertite a trovar un loco secur.  Plus tarde ille me telephonava
de su automobile in le vicinitate de su casa.  Ille diceva que le
vicino esseva plen de glacie, e su casa habeva folios que le vento ha
ponite altemente super su muros, e le glacie esseva in tote partes.
Le tempesta ha portate le grandina a la.  A iste momento le meteorologo
diceva que le tempesta monstrava in le radar characteristicas de
grandine.  Tosto il habeva reportos telephonate al station de television
de petras de grandine inter 2 cm e 7 cm in diametro!  Mais il habeva
quasi nulle damno de vento.  Alora le television monstra imagines del
helecoptero suso le superstrata que io usa a vader a mi bureau. Le
superstrata esseva bloccate totalmente in le direction al citate de
Atlanta. Il habeva un grandissime stagno de glacie e aqua in un loco basse
in le strata.  Le grandine ha cadite in grande quantitate in le
superstrata. Le petras de grandine esseva del grandor de cubos de
glacie del refrigerator, mais possibilemente .75 metros in profunditate,
insimul con aqua.  E le glacie ha bloccate le disaquamento al latere del
strata.  Le automobiles esseva stoppate pro circa un hora, durante que un
equipa de obreros essayava a remover le obstruction de grandine, folios,
e ramettos.  Fortunatemente le tornado non ha extendite se al terra.
Mais illo esseva un  mal tempesta.  Le fulmine ha frappate proxime a mi
casa, temporarimente extinguente mi television e le lumines in mi casa.
Io audiva un 'crac!' e instantaneemente le lumines esseva extinguite pro
un instante.

Le tornados va menaciar nos con le tempestas de primavera durante le
resto de april e un parte de maio.

Hodie le sol brilla e il faceva un die bellissime.


Stan Mulaik