Car amicos,

1.
Martedi proxime io va publicar le octave edition del "Woordenboek
Interlingua-Nederlands" (WIN).

Iste dictionario contine quasi tote le vocabulos del IED plus un grande
numero de "nove" vocabulos seligite secundo le methodos del I.A.L.A. Le
numero de entratas es 49 613 imprimite densemente in tres columnas super
607 paginas del formato A4. Multe vocabulos es presentate con numerose
exemplos (phrases, expressiones e locutiones).

Le dictionario ha un copertura colorate e plastificate con un dorso
anellate, que facilita le uso del obra. Le precio es 37 euros
(45 dollars). Le porto postal es: Union Europee 9 euros (11 dollars); resto
del mundo 13,50 euros (16 dollars)

2,
Martedi proxime il habera anque un nove edition del "Lista Supplementari de
Vocabulos International". Illo es le quarte edition del obra e contine 23
985 vocabulos que on non trova in le IED. Illos es le resultato de longe e
patiente recercas de diverse interlinguistas.

Le lista es un edition de 157 paginas in le formato A5 (vocabulos in tres
columnas). Le copertura plastificate es colorate in blau.  Le dorso es
anellate, de sorta que le libro se aperi e se claude facilemente. Le precio
del lista: 11 euros (13 dollars). Le porto postal: Union Europee 3,25 euros
(4 dollars); le resto del mundo 5,50 euros (6,50 dollars).

On pote commandar ambe libros inviante me un message (<[log in to unmask]>).
Alora io pote dar vos le instructiones pro le pagamento.

Salutes amical de
Piet Cleij