>From:    Paul Bartlett <[log in to unmask]>
>Subject: <No subject given>
>
>Mercuridi, le 4 julio 2007, Stanley Mulaik scribeva:
>
>>> Date:    Mon, 2 Jul 2007 18:52:39 -0400
>>> From:    Paul Bartlett <[log in to unmask]>
>>> Subject: Re: Heresias
>> Paul,
>>   Io sape que isto es tu position.
>
>Stan,
>
>Io non ha nunc multo de tempore, sed durante plure dies io spera que io
>potera facer un responsa.  Io ha comenciate demander me si Alexander
>Gode traiva le IALA con le disvellopamento de interlingua.
>
>--
>Paul Bartlett

Paul, io ha legite le documentos de IALA de ante le arrivata de Gode a
interlingua e postea. Stillman habeva establite le curso del recerca
e Gode solmente habeva sequite le. E in isto illes habeva le appoio del
linguistas professional qui esseva le consilio de gerentes de IALA.
Insimul Stillman e Gode ha scribite le manual INTERLINGUISTIC STANDARDIZATION
que esseva le guida al disveloppamento de interlingua. Io ha un copia
de iste documento scribite in 1943. E illo es totemente in conformitate,
con minor cambios debite al necessitate de solver problemas non anticipate,
con le final IED.    Martinet ha essayate ignorar lor
effortios, e in isto ille esseva possibilemente plus le
traitor que Stillman e Gode. Quando Martinet habeva partite, in parte
proque ille habeva un altere nove position e le facto que le familia
de sra. Morris non voleva pagar le le mesme gages pro minus labor,
Gode esseva date le complete poteres del Directorato de Recerca, e
ille ha retornate al effortios de Stillman e Gode e le resultatos de
labores facite per le equipa de linguistas post 1943-1945 e postea.

Io non comprende como on pote pensar que Gode esseva un traitor a
IALA.  Le linguistas professional in le 1930s diceva que il non
ha necessitate de inventar un lingua auxiliar.  Solo que esseva necesse
esseva extraher e standardizar lo, e isto es lo que Stillman e Gode
ha facite. Stillman esseva le un qui habeva le politica de non emplear
alcuno qui habeva alcun association con un altere lingua auxiliar,
proque ille credeva que le solution debe esser objective e impersonal,
si illo convincerea le expertos e politicos de su superioritate
scientific. Gode simplemente ha acceptate iste politica.

Americanos es preste de creder theorias de conspiration e traitismo.
Io spera que tu non es un de istes.

Stan Mulaik

--
Archivos e disabonar: http://listserv.icors.org/archives/INTERLNG.html