Scribe Jay Bowks <[log in to unmask]>

>Car Mario, tu ha ration, io es in
>disequilibrio, e mesmo le tote
>pais, le Statos Unite pare toto
>disequilibriate.
( . . .)
>Amicalmente,
>Jay B.

Car Jay, io usava iste imagine del equilibrio solmente pro individuar le
exigentia de affrontar problemas que es nove pro te e pro tu Pais, quando in
le vetule Europa, de ubi vos proveni de altere parte, nos ha forsan un major
habitude a iste manifestationes, sempre incomprensibile, totevia sempre con
lor precise origines.
Le facto de viver vostre isolamento, como anque illo de promitter su
accentuation pro le futuro, ha habite un inconcipite necessitate de
revision.
Inconcipite pro vos, probabilemente, non certo pro illes qui ha vos studiate
ben e ha sapite culpar vos usante vostre mesme habitudes, vostre idea del
libertate, vostre manco de attention.
E ora que succede?
Ora on parla que vos ha initiate un aventura que probabilemente videra vos
non assi facilemente vincitor.
Iste guerra forsan non se vince con le medios ponite in le campo in iste
dies perque comocunque le occidente ha in le campo adverse multe ethnias que
ha lor rationes, pro nos incomprensibile securmente, que se manifesta in
maniera pro nos deliquential, que totevia ha motivationes que pertine a lor
traditiones, le mesme capace de actos que es le resultato del desperation
human, illo que face superviver le personas in qualcunque situation adverse,
hodie como in le passato, sempre!
Iste guerra non se vincera de un parte. Iste guerra finira de ambos le
partes quanto omnes habera comprendite que nos besonia de solutiones de typo
que modifica le realitate mundial.
Io habeva solmente 16 annos quanto, si io non rememora mal, le mundo habeva
le presentia contempranee de Pope Johannes XXIII e del Presidente J.F.
Kennedy. Sempre in le unda del recordos, sed io non es assi secur, ambos
illes diceva que le mundo habeva, e nos pote dicer que illo ha, exigentia de
poner remedio a multe problemas del parte que suffre per obra del parte que
dispone de medios e libertate.
Io cresceva e maturava como homine, anque con iste indication e io observava
in le annos sequente que le recommendationes de iste duo Grande non se
concretisava, si non in rarissime manifestationes.
Ora ha nos le major parte del mundo que gaude de conditiones minimal pro
conducer un vita con conditiones essential?
Io pensa que nos non ha iste conditiones ideal, mesmo hodie.
De consequentia il es un question promover e conducer un reation a un acto
gravissime de violentia, sed il es un altere grave question emplear medios
in quantitate enorme pro conducer un battalia que non garantira le victoria.
Belle le exemplo del Americanos de qualcunque idea politic qui se pone del
parte de lor Presidente. Un exemplo pro multe Paises, securmente digne de
imitation.
Minus felice le solutiones adoptate in iste dies, forsan.
Supertoto si io considera que in le mesme USA se diffunde le miseria e
conditiones de vita subtus le minimo vital, e altere situationes de iste
sorta. Supertoto si io considera que in le mesme USA un massa de personas
resolve lor mecessitate con le recurso al diverse medios de subsistentia.
Que faceva vos? Garantiva vos un deposito de votos pro uno o un altere
currente politica?
Quanto durara iste solutiones innatural?
Le problemas se propone in le interior de vostre Pais, il pare de
comprender. Justo como in Europa de ubi vos partiva pro abandonar le
problemas. Oh, vide!
E nos, citatanos de omne die, que debe nos patir ancora de un parte o del
altere del Atlantico, pro realisar un vita vermente melior?
Pensa nos de facer lo al interior de nostre communitates sin considerar le
resto del mundo?
Uhm? Io pote facer halto o io non finirea multo facilemente iste thema.
Totevia nos ha un sperantia: illo de comprender le limitationes que catauno
ha in comparation al exigentias de totos.

Ciao,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp