-------------------
ALEXANDRA KOLLONTAI
-------------------
In le guerras de Finlandia contra le Union Sovietic, le
Guerra Hibernal (1939--40) e le Guerra Continuante
(1941--4) Alexandra Kollontai (1872--1952), le ambassator
del Union Sovietic in Stockholm, Svedia, habeva un rolo
multo importante. (Sra Kollontai habeva essite como
ambassator anque in Oslo e Mexico).
Seniora Kollontai ageva como mediator inter le governamento
de Finlandia e Iossif Vissarionovitch Stalin in ambe
guerras. Quando sr. Juho Kusti Paasikivi, plus tarde un
presidente famose de Finlandia, viagiava a Stockholm "pro
comprar libros", ille vadeva de facto pro incontrar madame
Kollontai - il deveniva tosto revelate etiam per le
servicios de information de varie paises, includemente lo
de Germania, nostre alliato.
Io ha sempre me demandate, perque sra. Kollontai sempre era
multo amical verso Finlandia. Ver, illa era un gentile
personalitate e multo honorate anque in Svedia, ubique illa
era longemente le decano del corps diplomatique.
Ante alicun tempore io scribeva super le professor Matti
Klinge, un famose historico finlandese ("Romanus sum", "Sum
fui esse, dum som en bässe" etc.). Su granpatre era un
germano, un ingeniero, asessor collegial e un "burgese
honorari hereditari" (le plus alte titulo de un citatano
non-nobile in le Imperio Russe). Su marita, Aino, era un
finna. Durante le 18e e 19e seculos Sankt Peterburg era
multo german e multo lutheran. Mesmo le corte imperial de
Russia era conspicuemento german. Per exemplo le plus
grande homine de stato in Russia ante le collapso del
Imperio Russe, conte Witte, era un germano, comocunque sr.
Giers, le ministro imperial del affaires estranier in le
1850's.
Le noblesse de Sankt Peterburg habeva villas in Finlandia,
in le Isthmo de Carelia e al Canal de Saimaa, ubique le
clima era multo salubre ("Kakoi vozduh!" - Qual
[excellente] clima! - exclamava le habitates de Sankt
Peterburg in le territorio finlandese. Le clima de Sankt
Peterburg es notoriemente nonsalubre). Hodie multe
russos ha villas in Finlandia de novo, le plus famose
inter illes son tal gigantos de musica como Valeri Gergiev
(actualmente un georgiano, hodie adorate como un deo in
Finlandia, le director del famose Mariinski Teatr in Sankt
Peterburg) e Mstislav Rostropovitch, forsan le plus grande
violin-cellista del mundo. Durante le coup d'etat abortive
de sr. Yanayev & Co. contra Mihail Gorbatchev sr.
Rostropovitch hastava se a Moskva pro defendar le libertate
de Russia contra le staro-bolsheviki con un Kalashnikov,
fusil assalto, in su manos, in defiantia de su jam bastante
alte etate.
http://www.classicpage.com/frames/fs_gerg1.htm
Valery Gergiev
Auftrittsorte 1997/98
Teatro alla Scala di Milano
Metropolitan Opera New York
Salzburger Festspiele
http://www.classicalinsites.com/live/hallfame/
Mstislav Rostropovitch
Welcome to Classical Insites' Hall of Fame where you
can discover the greatest musicians of the past and
present.
Le familia de Klinge habeva un villa al canal de Saimaa.
De familias russe in le vicinitate solmente le familia
Domontovitch frequentava con le finlandeses. Le patre
Domontovitch era un general. Le nomine de juvene del
seniora Domontovitch era Masalin e illa era un finna, e
multo fer de su origine. Le Domontovitches habeva multe
infantes. Un de lor filias, Alexandra, deveniva un
bolchevika e prendeva multe fama como sra Alexandra
Kollontai! Illa era assi pro medie un finna. Io ha vidite
un photographia in un libro ubi un fila del filias de
Domontovitches vide ab lor fenestras in Sankt Peterburgo.
Le capite de Alexandra era incirculate e le pictura
habeva le texto:
"Le filias de general Domontovitch. Un de illas
deveniva bolchevika. Perque?"
Sra Kollontai era un persona multo gentile. Illa habeva
un amica in Stockholm, un svedesa, qui illa adjutava
economicamente in su lucta contra cancer. Le salario de
sra Kollontai non era troppo grande benque illa era un
ambassator de un grande stato.
Alexandra Kollontai era un persona ben educate. Illa era
fluente i.a. in francese e svedese. Sr Brotherus, un
alte empleato in le ministerio de affaires estranier de
Finlandia, habeva discutite con sra Kollontai a dinar in
Stockholm post le guerras. Ille scribeva in su memoires
que "Alexandra Kollontai era un dame alto educate qui
parlava alternativemente francese e svedese con un stilo
vivace e humoristic".
On vide que omne bolchevikos non era mal ...
"Proletarii vsyoh stran, soyedinyaites!"
Allan
P.S.
Alexandra Kollontai haberea essite un excellente candidato
pro interlingua!
|