[...]
Le Venetic usava un proprie alphabeto totalemente decifrabile odie, jam ab
le
VI seculo antea Chisto. Quando tu te refere al alphabeto cumano a qual
epoca tu
face referentia?
Illo deberea esser contemporanee a illo de mi Venetic. Le presentia del
scriptura in le peninsula italian deberea esser bastante contemporanee.
[...]

    Scientificamente on parla de un alphabeto rheto-etrusc e illo es
bastante similar al altere alphabetos indo-europee e que on trova anque in
le peninsula italian . Il ha solmente un trentena de iste inscriptiones cuje
le eruditos ha ben comprendite le phonetica ma non le significato. Iste
incriptiones son del ultime periodo del civiltate del Camunos, alicun
seculos antea le invasion roman que ha essite intra 15 p.C. e 49 p.C.
     On trova un importante monumento roman construite a "La Turbie" in le
alpes maritime in Francia proxime al confine con le Italia per honorar le
victoria del imperator Octaviano Augusto. Hic on trova scripte le nomines
del populos alpin vincite:
    SUNT REDACTAE GENTES ALPINAE DEVICTAE TRUMPILINI CAMUNI VENNONETES
VENOSTES HISARCI BREUNI GENUANES.
    Como on pote notar le nomines latin de iste populationes son ancora
quasi le mesme etiam in italian, per exemplo: trumpilini/triumplini,
camuni/camuni, venostes/venostani, Hisarci/Isarco.
    Securmente inter le populos alpin il ha essite un excambio non sol
economic, ma anque cultural e linguistic super toto con le populos del
planas e il non difficile imaginar incontros e excambios inter le gallos e
le veneticos. Le montanias non era un obstaculo insurmontabile per iste
populationes como lo demonstra le discoperta del mummia del Similaun.

    Luca Ghitti