Le Qoran existe nunc in svedese.

Finalmente le credente muslems qui lege le svedese ha recipite su sancte
libro in un moderne forma lingual. Il existeva un vetere traduction del
Koran, sed isto es un traduction moderne. E le traduction es acceptate del
theologos de un universitate in Cairo.

Le autor de iste enorme labor, que ha essite multo laudate in Svedia, es
Mohammad Knut Bernström, un ex-ambassador svedese, qui viveva multe annos
in Marocco e ibi apprendeva del islam.

Ille habeva essite lutherano (como le majoritate de nos svedeses) e
convertite se al catolicismo. Essente un cercator, ille trovava finalmente
in islam, lo que ille cercava. Postea que ille se retraheva del servicio
active ille se ingagiava in traducer le Qoran in le svedese, e post dece
annos de pesante labor, ille habeva date al Qoran un habito lingual
svedese.

Le reception de iste libro ha essite multo positive, non solo inter le
interessate svedeses, sed etiam inter juvene moslems pro le quales le
svedese es le lingua principal.

Le critica verso le vetere traduction que existeva desde le anno 1917 era
que ille version era troppo archaisante e moslems svedese lo ha criticate
proque illo era troppo partial al disfavor del islam. Moslems svedese del
altere latere approba le nove traduction, non minus pro le facto que illo
es facite de un moslem, a saper Mohammad Knut Bernström.

Que io ira comprar le libro hodie, vos certo comprende :-)

Amicalmente

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden