Mile gratias, Josu Lavin, pro le indication del voce synthetic
capace de leger textos in Interlingua!  Pro me, qui suffre
del degeneration del macula lutee ut tal programma pote
esser extrememente utile.   Tu ha ration que le variante
con italiano como base es melior que illo espaniol.
Ma io regretta le absentia del  h , que es un phonema
in Interlingua, e que esseva audibile in le version espaniol.
Como modello pro le pronunctiation in manualos e cursos,
tal lecturas naturalmento non es usabile.  Un registration
como le tue, per tu proprie voce, es multo melior e
nos debe provider plus de tal registrationes modellic.
Le uso oral deveni de plus in plus importante con
Skype e simile instrumentos.   Communiction per
telephono in Interlingua i.a. con Brasil, Russia,
Ukraina e Hungaria me ha convincite que un
pronunciation unitari es non solmente desirabile
ma essential in nostre dies.

Ancora un vice gratias!  Io ha grande difficultates de
leger le instructiones, e ecce le circulo vitiose:
Io besonia le prgramma pro non poter leger textos,
ma io non pote leger los proque io non vide...e besonia
le programma...
Io non crede que alcuno te appella plus un inimico
de Interlingua: tu ha clarmente declarate le domnios differente
de uso de Romanica - inter romanoåhonos - e Interlingua 
- pro uso inter multe altere nationes.   
Salutes amical,
Ingvar
Ingvar Stenström
Vegagatan 12
SE-432 36  VARBERG
Svedia
ingvar.stenstrm  at telia.com
Tel. +46-(0)340.15053
Signatura in Skype:  ingvarst
http://www.interlingua.com
http://www.interlingua.nu

--
Archivos e disabonar: http://listserv.icors.org/archives/INTERLNG.html