Amicos,

Hodie es le 60e anniversario de un die tragic e plen de timor in Europa
nord. Adolf Hitler ha comenciate le occupation de Danmark e Norvegia. Io
habeva 12 annos. Mi familia viveva in Stockholm e mi patre esseva un
major in le armea. In iste dies ille ha laborate in le departemento
central de defensa. On habeva desde un tempore informationes que agentes
german tentarea occider personas importante pro nostre defensa. Mi patre
e altere officieros non esseva permittite a dormir in lor casas e debeva
pernoctar in lor officinos o cavos. - Mi matre, soror e io esseva multo
inquiete e nos ha sempre audite le radiotransmission e papa ha nos
sovente telephonate. Nos naturalmente ha sentite dolor e sympathia
grande pro nostre vicinos danese e norvegian. - Hitler non ha attaccate
Svedia.

Mi sposa Agneta, alora 10 annos, ha memorias similar. Su patre esseva un
officiero marin e le chef de un chassa-torpedineros. Ille ha con su nave
patruliate le stricto Öresund inter Danmark e Svedia durante le
operationes german. - Ille me plus tarde ha dicite: Le germanos habeva
grande fortia. Io e mi nave poteva al minus demonstrar que Svedia non ha
dormite!

Iste experientias es un fundo importante pro mi generation a esser in
favor de Union Europée. Nunquam plus guerra hic!

Jan

--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel: +46 (0)90771525; Summer/Estate +46(0)52521485
Mobilphone: +46(0)706594934
Messages oral (multo curte) e fax: +46 (0)902034845
e-mail: [log in to unmask]; reserva: [log in to unmask];
ICQ - UIN nr:785745;
http://www.algonet.se/~armann