Harleigh Kyson Jr. wrote:
>(...)
>---
>
>In le construction de su imperio, le Statos Unite
>prefere establir governamentos cliente que permitte un
>certe illusion (acceptate como le veritate inter multe
>americanos) que tal governamentos es vermente
>independente.
>
Isto es un typic cosa de imperios que illos ha quasi-autonome
governamentos in lor statos cliente. Assi faceva le cosa anque le Union
Sovietic. In le republicas non-russe il era quasi sempre un presidente
del nation e un vice-precidente russe.
Le angleses anque era, si io ha ben legite mi historia, habile in isto,
como anque le franceses.
>Il nunc pare que nostre idea de "democratia" in Iraq
>excludera le shiites, specialmente si le governamento
>de Iran les appoia.
>
>
Heri nostre radio transmitteva un interessante programma in re le
shiitas in Irak. Il ha un organisation que vole unificar omne le shiitas
(in Iran e Irak) pro crear un dominio, reminiscente del ecclesia
catholic, si io ben comprendeva le cosa. Postea il ha le shiitas que
supporta le idea de "non-interferer se in le politica".
On diceva in le programma que le statouniteses in 1982 non adequatemente
habeva taxate le fortia del shiitas in Libano, e debeva quittar Libano
post un anno.
On pote solo sperar que on vermente invita omne fortias pro facer
discussiones del futur pais. Negliger le shiitas non sembla esser un
sage cosa.
Il sembla que le americanos ganiava multo in le maniera in le qual illes
permitteva le festa del martyros que poteva esser arrangiate le prime
vice in 30 annos. Isto era un multo sage cosa, secundo me.
Pro le shiitas, secundo le programma que io ascoltava. le possibile
domination de musulmanes sunni era quasi un continuation del dominantia
del regno otomane in su tempore.
>Le governamento de Washington anque ha inaugurate un
>nove politica contra Syria. Washington insiste in
>iste momento que nostre fortias armate non va mover
>contra Syria como nos ha movite contra Iraq.
>
>Ma iste politica sempre potera cambiar. Forsan ante
>nostre proxime election presidential, Bush va
>comenciar un altere guerra contra Syria de maniera que
>ille potera mantener que il essera troppo periculose
>cambiar presidentes durante un tal guerra nove.
>
Isto es, tu comprende que le presidente Bush facera le guerra in bon
tempore ante le electiones?
>Io anque ha legite que agentes de viages statounitese
>nunc ha multe difficultates in lor effortios pro
>organisar viages al Medio Oriente. Multes in iste
>pais sape que le vita illac es troppo periculose pro
>touristas american.
>
Turchia ha habite simile problemas in isto que le touristas, anque de
Scandinavia, es plus scarse que in le annos passate.
>Mesmo si io habeva le moneta pro viagiar, io non
>volerea vader a Francia o Germania con un passaporto
>statounitese.
>
Isto es un prudentessa exaggerate, secundo me. Le insecuritate pote
significar que on se trova in le loco false in le momento false. Ma in
un tal caso ni un passaporto american ni un de un altere pais, esserea
un detrimento.
Mesmo si io vive satis distante de Francia, io pote quietemente
recommendar te un visita ibi, si tu ha le moneta e le voluntate. Forsan
evita Marseille :-) Il ha un canto svedese del "terrific quartieras in
le terrificente Marseille" :-) - le porto, probabilemente. Non vade ibi
per nave! :-)
E Germania certo es quiete. Il jam ha multe americanos in Berlin,
secundo mi sapientia, non solo le soldatos!
>Il essera multissimo interesante vider como evoluera
>nostre relationes con le governamento israeli in le
>proxime menses.
>
Si, isto es interessante. Io legeva un articulo, originalmente publicate
in un grande jornal Israeli, in le qual le premier Sharon era multo
aggressive e pensava que il non ha parola de un stato palestinian sur le
ripa occidental. Nunc il sembla que il es preste negotiar con le nove
premier palestinian, ma que omne paises demonstrativemente neglige
Jassir Arafa:t.
Kjell R
|
