Mario Malaguti wrote:

> PS. Es nos, cives, qui debe demonstrar que le idea de Europa es un
> sentimento (känsla) que nos vive in le practica quotidian, como con le
> utilisation de interlingua. Demonstrar como nos duo comprende nos e como le
> venetos pote comprender nos e facer se comprender de parte de un svedese,
> il serea le melior propaganda qui nos poterea facer hic in Italia. Io lo ha
> jam scribite: SSI haberea credito in Italia.

Un cosa paradoxal con interlingua es que malgrado le facto que on in le
propaganda in favor de interlingua - assi que ego lo ha audite - nunquam ha
parlate de interlingua como le medio de crear pace inter varie nationes, es
justo lo que altere humanos lo ha vidite. Durante un del conferentias in
Nederland nos faceva un excursion per un autobus, et al fin, le conductor
(chauffeur) del autobus diceva que ille era multo felice haber vidite nos,
participantes de varie paises, qui parlava le mesme lingua et esseva un gruppo
multo pacific.

Forsan nos "faceva" pace et non tanto "parlava" de isto.

Cellus