Car Harleigh Kyson

Iste es le prime vice que io scribe un littera in
interlingua.  Io es un novicio e totevia io apprende
le lingua.

Io cognosceva Interlingua per le Internet.  Io habeva
apprendite etiam un pauco de esperanto, sed io pensa
que interlingua es sin dubita un melior instrumento de
communication international.

Io vole studiar lo ben pro poter parlar lo con
fluentia tosto.  Tu curso "Interlingua in interlingua"
esseva multo utile per me.  Assi, io volerea anque
reciper tu nove curso de conversation, si tu pote
inviar lo a me.

---

Car Luís,

Me place multissimo que in tu studios de interlingua
tu ha trovate utile "Interlingua in interlingua"
<http://www.geocities.com/hkyson>.

Con multe placer io te ha inviate sur un dischetto un
copia de mi curso de conversation.  (Forsan, ante
reciper lo, tu poterar discargar lo ex le sito de Josu
Lavin.)

Io spera que eventualmente tu potera usar lo pro
publicar un curso bilingue inter interlingua e le
portugese continental.  Si tu face isto, io volerea
reciper un copia de illo.

Io anque spera que ante multe tempore un gruppo de
interlinguistas con unes ex le talentos de actores de
radio continuara le redaction del version in
interlingua de mi curso e facera registrationes de
illo in le formato MP3 pro distribution gratis trans
le Rete.

Altere personas qui vole un copia de mi curso sur un
dischetto pote scriber me a

Harleigh Kyson Jr.
1425 E. First St., Apt. 9
Long Beach, Calif.  90802
U.S.A.

__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com