Mario escreveu:
>Respectar le exigentias de illes qui ama practicar Interlingua
>sin poner se in classificationes de necun sorta. O, como il
>succedeva pro Il_Strat, sin venir juncte e eliminate de
>autoritate.
"venir juncte" = ?
>Car Amicos,
>io ha le exigentia de practicar Interlingua sin poner me
>limitationes de sorta e sin a{+p}parer in classificationes de
>necun specie.
Con "classification" tu te refere al termino "usatores intensive" usate
per me in mi message previe?
>Io pote comprender le preoccupation de favorar le co{-m}menciantes.
>Io me considera uno de illes!
Modeste! :^)
>Io non pote comprender le selection que non es orientate a favorar
>in alcun modo le co{-m}menciantes e al cont{+r}ario es specificamente
>adressate a illes qui contribue assiduemente al lista Interlng.
Il ha necun problema in contribuer assiduemente a INTERLNG. Le problema es
le quantitate relativemente grande de messages in discussiones que solo es
interessante a alcun pauc abonatos, e que enoia multes del alteres --
inter le quales multe comenciantes.
Initialmente silentiose, le comenciantes solmente *lege* pro apprender.
Mais si le discussiones que illes lege es enoiose, illes va abandonar le
lista ante sentir se secur pro scriber su prime experimentos.
Vamos prender per exemplo le discussiones pro e contra le parolas
"aquelle" proponite per Stan. Io es certe que tu non "vincera" Stan, e
Stan non te "vincera". Cata un de vos es tanto secur de su argumentos como
le altere. Mais certemente vos ha vincite le patientia alcun comenciantes
con tal discussiones fatigante.
Io ha suggerite a Stan, in e-mail private, componer un pagina Web con su
argumentos, a fin de evitar le longe e repetite defensas del these
pro-"aquelle" in nostre listas de discussion. Quandocunque alcuno facerea
un querela contra "aquelle" & cia., le bastarea informar le adresse del
pagina pro le interessatos in le discussion. Economia de effortio!
Io te suggere facer le mesmo con tu argumentos contra "aquelle", pro le
beneficio del comenciantes in INTERLNG. Differente de Stan, tu ha
facilitate de adder un pagina a un de tu sitos existente.
Altere cosas pro le quales alcunos poterea componer paginas informative in
Interlingua:
* Perque uno deberea evitar inviar e-mail con formatation (le programma de
e-mail invia le message in duo versiones -- texto pur e HTML -- duplicante
le grandor del message) e altere etiquettas de Internet.
* Perque uno deberea preferer formatos "aperte" pro distribuer information
(evitar files .DOC, preferente .HTML, .PDF, etc.) e altere consilios super
le inconvenientes del softwares/standards de Microsoft, per exemplo.
Etc.
Uno deberea evita inviar messages solmente con "io es de accordo" o "io
non es de accordo", sin adder information. Si uno offere un file al
abonatos, face le demanda in privato.
E il ha altere themas o commentarios que poterea esser evitate equalmente,
mais io non vole examinar le archivos del lista pro trovar exemplos
specific ora.
>Totevia anque Ensjo, autor de traductiones que debe haber un
>validitate, {nonosbaste=>nonobstante} io non los comprende,
Hehehe. Rememora que io a vices trova tu textos aliquanto obscur, e io
debe leger los plus de un vice pro comprender los totalmente. Non se
tracta del parolas o expressiones que tu selectiona, mais del giros que tu
face ante ir directo al puncto. :^)
>debe sentir se in le carga de inviar su recommendationes con suite de
>pre-avisos.
>Io non pensa de abandonar le lista Interlng.
Non es iste le idea! Io non demanda que le personas abandona INTERLNG. Io
solo vole que le abonatos plus experiente mantene un ambiente propitie pro
le comenciantes.
>Io pensa de suspender mi contribution al lista al fin de valutar illo
>que succedera in le caso que, como io, alteres facera lo mesme.
Si isto succedera, io les repetera mi appello. Si toto falle, io debera,
ultimatemente, imponer restrictiones al lista (limite de messages per die,
etc.) Mais que nos sia optimista. :^)
>E io pensa que io ha comocunque le necessitate de disponer de un
>lista in le qual publicar mi contributiones sin poner me altere
>limitationes que non sia illos de un correcte politessa.
>Assi io intertanto demanda a vos qual es vostre disponibilitate a
>participar a un nove lista in qualitate de contributores qui non se
>pone limitationes de quantitate.
>Io spera de poter continuar mi solite excambios de impressiones
>quotidian con le solite amicos e que nos potera reconsiderar Interlng
>quando in le lista on facera proselytismo in modo correcte,
>intertanto respect{+u}ose de illes qui part{e=>i}cipa e minus
>preoccupate de illes qui comocunque non scribe.
Infelicemente un enorme massa de messages disinteressante tente a
espaventar les ante que illes acquire fluentia in le lingua.
>A minus que isto non pertine a un designo plus grande de mi
>capacitate de intender.
DEVS VULT! ;^b
>Si io obtenera le sol adesion de uno inter vos qui senti le mi
>necessitate pro un nove lista io lo creara immediatemente, o vos pote
>seliger de facer vos membro del lista italian, indicate subtus.
http://groups.yahoo.com/group/interlinguaitalia
>Al contrario que resta a nos? Facer silentio!
Silentio? Non del toto. Simplemente facer contributiones pertinente. Justo
como uno (generalmente) non conversa super football in un ecclesia, vamos
accordar que alcun typos de discussiones sia disveloppate
preferentialmente foras de INTERLNG (in InterlinguaItalia o Coollist, per
exemplo), pro le beneficio del comenciantes.
A revider,
Ensjo.
|
