Ove, de facto le _ego_ in le IED es un parola permessite. Ego usa a vices
_ego_ pro que ego ha vidite que le majoritate de personas qui non ha
studiate interlingua comprende le parola. Pro isto ego faceva le
experimento usante _ego_. Un multo frequente - e non toto inadequate
opinion - es que isto face le majoritate pensar in le _ego_ psycologic.

Quanto a _auscultar_ io pensa que on pote ben usar iste forma si on vole.
Io senti _ascoltar_ esser troppo italian. Sed in iste caso io e Paul es
"voces vocante in le deserto".

Il ha un maniera per le qual on forsan pote evader le problema de ascoltar.
On poterea prender le - esque isto es le frequentativo - del latino
_audire_ - _auditare_. Sed le risco es le anglese ubi _audita_ es un altere
cosa in nostre dies mercantil.

Quanto al cascos io - como un devote pedestriano - es contra le uso del
cascos, non pro isto que illos non es utile, sed pro le facto que illos es
troppo utile. In Uppsala, ubi io habita, le uso de cascos ha ducite al
situation que le bicyclistas non solo bicycla in omne locos possibile,
illes etiam prohibe - verbatim - si io como pedestriano per hazardo me
trova sur lor vias, durante que le situation reciproc non es valide.

In plus on se jecta in grande rapiditate sur le vias pedestre e on quasi
exspecta que un bicyclista va collider con un pedestriano con li crito
"Banzai" del Kamicazes. Illes jam ha le capite protegite e time NIHIL. Uff!

Nunc Ove, que nulle umbra cade sur te - il non ha sol e umbra es pro isto
impossibile - nam certo tu es un de ille velocipedistas qui - ben que in
casco - viagia cautemente, e mesmo si isto non es le caso, tu tamen bicycla
in un altere urbe, de grande distantia ab Uppsala, e io me senti secur! :-)

Mi vicino me damandava ante alcun dies del forma del sol. Le povre homine
non ha vidite le sol depost multe dies e suffre pro ist

Pedestremente

Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden