Harleigh Kyson Jr. wrote:

>Le major parte de iste immigrantes christian non
>voleva le libertate universal.  Illes solmente voleva
>le libertate de persecution a personas qui professava
>varietates de christianitate que illes opponeva.
>
Un svedese emigrante poteva certo imaginar que ille poteva esser libere 
practicar su nove (sovente altere qui illo del ecclesia statal) fide in 
le Statos Unite. Ma ibi ille debeva anque apprender que il ha 
catholicos, un sorta de humanos que era multo suspectuose. Mesmo in mi 
tempores scholar on ancora era satis diffidente quanto a illos. Illes 
era astute jesuitas e papas intrigante :-)

>E le major parte del immigrantes qui veniva al Statos
>Unite pro libertate economic solmente voleva le
>libertate de exploitation economic de alteres.
>
>Le americanos es magistros del hypocrisia in lor
>explicationes del ethos religiose e socioeconomic del
>Statos Unite, e nostre folles religiose e fures
>economic trans nostre historia generalmente ha potite
>controlar le politicas legal e social de nostre
>societate le major parte del tempore.
>
Legente isto ego pensa del si appellate Mormons. Como ego sape illes era 
cruelmente persecutate - al minus al initio - pro (forsan) prender 
refugio in methodos totalitari quando illes ipse habeva su proprie 
territorio!

>Christianos como le Southern Baptists, pro exemplo,
>vole que omne americanos sia Southern Baptists.
>
>E quanto a nostre ethos de exploitation economic, illo
>explica proque nos invadeva Iraq (nos vole lor
>ressources de petroleo a precios que nos pote
>controlar).
>
Le personas qui es contra un guerra in Irak deberea per consequente 
luctar pro un transition a altere species de combustibiles que petroleo. 
Ha! e isto se traduce in Svedia politicamente in si appellate 
"certificatos verde" que significa que ego debe, como consumitor de 
electricitate, consumer un certe ammonta de electricitate producite in 
un maniera ecologic. Nove taxa es solo le ortografia! :-)

>Quanto a Europa, io crede que le musulmanes haberea un
>influentia specialmente venenose sur le cultura
>europee que ha emergite post le Secunde Guerra
>Mundial.  Le Union Europee debe limitar severemente le
>immigration islamic a Europa.  Specialmente periculose
>esserea essayar absorber le turcos a in le Union.
>
Hmm. Ego non va dicer que il non ha problemas. In Francia il sembla 
esser un multo plus acute situation que ci in Svedia. Forsan non tante 
humanos vole viagiar ci pro le situation subpolar :-)

Immigrantes turc e kurd face duo cosas, illes immigra in le urbes e in 
un altere cultura, al mesme instante. Il me sembla que le turcos que ego 
ha incontrate, qui veni del grande urbes es multo simile al humanos del 
occidente. Il es le humanos del rure que ha un altere cultura e adaptar 
se in le urbe non es facile.

In Turchia il tamen ha un tradition de un stato secular (sec. Atatürk). 
Pro me como cive il me pare que laborar pro un stato (tu pote lo 
"americanisar" como "governo") secular.

>Le musulmanes, como nostre Southern Baptists,
>establirea theocracias si illes poteva.  Le americanos
>qui oppone le diverse movimentos de follia religiose
>in le Statos Unite sempre debe gerer luctas legal que
>esserea ridicule in le contexto social del Union
>Europee contemporanee.  Forsan in le futuro non multo
>distante le europeos habera luctas simile.
>
Tu non es le sol statounitese qui ha parlate del periculo del derecto 
christian. In caso que tu ha ration, nos pote, per consequente, expectar 
un grande fluxo de refugiatos del Statos Unite in le Union! :-)

Del resto isto ha essite un de mi predictiones! Qu vivera, videra!

>E il non es impossibile de ulle maniera que guerras
>como illo inter le catholicos e protestantes de
>irlanda devenira plus generalisate in altere partes de
>Europa a causa del musulmanes.  Vermente, Europa ha
>besonio de un altere Charles Martel!
>
Quanto al cnflicto in Irlandia Nord ego audiva olim un commentator qui 
diceva que in ulle altere loco del mundo le conflicto de Irlandia Nord 
haberea essite solvite jam de longe. Infelicemente ego non memora ben le 
argumentation, ma il me sembla que il era quasi, in un altere caso le 
communitate international haberea occupate se del conflicto, nunc illo 
era un cosa interne pro Anglaterra, quasi como le conflicto chechen in 
Russia. (Ego confessa que le comparation claudica, ma nonobstante il ha 
un grano de veritate, ego crede).

Kjell R

>  
>