Harald Jäger es un persona que nos non debe oblidar. Ille era le chef del
fortias de frontiera del previe Republica German Democratic qui ageva contra
le ordines e permetteva le publico transir le frontiera. Per su decision ille
impediva un banio de sanguine que haberea potite occurrer si alcun del
soldatos del frontiera haberea perdite le controlo. 

Il es facile memorar le personas qui - post donate ordines - tirava a personas
fugiente del Republica democratic, toto secundo valide leges. Ma le personas
qui contra tal leges sequeva le sagessa de su corde e rationalitate, tal
personas merita nostre respecto. Que ille non era invitate al solemnitates
heri, forsan parla per se ipse. 

Ille senior Jäger es solmente un del personas in varie paises e in varie
tempores qui ageva secundo su corde e non secundo le leges valide in un certe tempore.
Forsan on deberea haber un die special pro tal personas.