Car participantes del lista INTERLNG!
Io non sovente participa in le discussiones hic, sed io lege le majoritate
del messages con interesse, forsan non le mesme die o septimana, sed
successivemente. Io debe confessar que io es un poco surprendite del
message original de Jan, in lequal on pote leger que alicun personas son
irritate super messages concernente "questiones linguistic", que alicun
personas ha terminate lor subsciption del lista e que alicun personas
consequentemente dele messages de certe personas.
Io ipse me interessa multo de questiones linguistic, e io certemente va
esser un membro (forsan un poco passive...) del lista intendite (?) pro tal
discussiones. Sed io non comprende como on pote dicer "INTERLNG es un foro
pro OMNE themas, sed NON themas linguistic". A mi aviso il existe solmente
duo solutiones:
1. un lista pro OMNE themas, linguistic, grammatic, etymologic etc. includite
o
2. plure listas pro VARIE themas, un pro (inter)linguistica, un pro
football, un pro hymnos national etc.
Le solution 2 non functionara. Il es multo illogic excluder themas ex un
lista que es intendite pro omne themas. E - qui decide le themas
permittite? Le majoritate del participantes active, le majoritate del
participantes, le list-manager...? Si un grande majoritate del
participantes non vole leger messages del, pro exemplo, problemas
etymologic, le majoritate debe exprimer su dissatisfaction. (Io comprende
que isto nunc es facite...) Interdicer, al altere latere, es impossibile.
Si io non vole leger messages super, per exemplo, football o hymnos
national, io simplemente los non lege - sin sentir que isto es un problema
e sin exprimer grande dissatisfaction.
Le personas qui ha terminate su subscription del lista deberea haber
exprimite su avisos, hic o directemente a le persona(s?) irritante.
Solmente disparer non es un solution constructive del problema.
Un poco discontentemente
Jesper
=================================================
Jesper Olsson
Vildanden E: 414
S - 227 34 LUND
Sverige / Sweden / Svedia
-------------------------------------------------
[log in to unmask]
http://www.student1.lu.se/~lin92jol/index.html
-------------------------------------------------
Nat. 046 - 39 28 40
Int. +46 - 46 - 39 28 40
|
