Burla 1:
Bill Clinton morri, e arriva al porta del celo, ubi
Sancto Petro explica que cata persona, ante le decision
a mandar lo al celo o al inferno, necessita dicer qual
era su peccatos.
Clinton: "Io non vermente ha peccate seriosemente. Io
fumava marijuana, ma io non pote esser appellate un
usator de drogas perque io non inspirava. Io habeva
relationes extramarital, ma io non pote esser appellate
un fornicator perque technicalmente io non habeva sexo.
Io mentiva in un judicio, ma io non pote esser
appellate un perjurator perque io non ha violate le
definition exacto de iste crimine."
Sancto Petro: "Ben, nos dara consideration a su
explicationes in decider su fato: nos mandara te a un
loco multo calide, ma nos non appellara lo 'inferno.'
Nos condemnara te a esser in iste loco per un tempore
sin fin, ma nos non appellara lo 'eternitate.' E tu
non necessita abandonar tote le esperantia in entrar--tu pote sperar que le loco gelara!"
Burla 2:
Perque le continuo de spatio-tempore del celo non es le mesme como illo del terra, Einstein, Picasso, e
George W Bush arriva al porta del celo al quasi le
mesme instante.
Le primo qui arriva es Einstein.
S. Petro: "Tu pare esser le ver Einstein, ma personas
face cosas multo extreme pro entrar ci sub pretextos
false. Tu necessita verificar que tue es le ver Albert
Einstein."
Einstein: "Certemente. Ha tu un tabula nigre?" [un
tabula appare immediatemente, e Einstein scribe alcun
equationes multo complicate, que junge le theoria de
quantos con le theoria general de relativitate.]
S. Petro: "Ben, tu es le ver Einstein. Benvenite al
celo, Albert!"
Le secunde qui arriva es Picasso.
S. Petro: "Tu necessita verificar que tu es le ver
Picasso."
Picasso: "Certemente. Io usara iste tabula nigre." [in
solmente un poc lineas, Picasso designa un pictura
maravilose, con tauros, nudas, e cavallos.]
S. Petro: "Benvenite al celo, Pablo!"
Le tertie es George W Bush.
S. Petro: "Tu necessita verificar que tu es le ver
George W Bush, como Einstein e Picasso totevia ha
verificate lor identitates."
George W: "Einstein? Picasso? Qui son illos?"
S. Petro: "Benvenite al celo, George!"
|
