On Jan 23, 2008 7:35 PM, Erik Enfors <[log in to unmask]> wrote:
> Car? revisionistas!
> Io crede que il es remarcabile que on post 50 annos con un litteratura
> extensive que quasi exclusivemente ha usate "io"comencia discuter si "io",
> "eo" o mesmo "ego" debe esser le pronomino correcte.
> Esque il vermente non ha problemas plus importante a discuter.

Car amico Enrik,

Eo concorda completamente con te. Il certemente ha cosas multo plus
importante a facer pro Interlingua que discuter super detalios
linguistic.

Le unic ration proque eo discute iste cosas es proque isto es le
subjecto que me place plus. Ilo es sol un humile hobby mie, un maniera
de distraction del rotina quotidian.

Mi intention non es devenir un revisionista; eo non vole cambiar su
uso del lingua. Eo simplicemente considera multo interessante discuter
super aspectos linguistic, aprender plus super le functionamento del
linguas fonte de Interlingua, e compreender le interaction inter
lingua e societate. Isto es le ver ration proque "dissecar" le lingua
e discuter su aspectos plus profunde "ad nauseam" me place. Ilos es
discussiones academic teoric e inofensive, sin intention de causar
impacto le mundo real o de alterar le caminos del movimento de
Interlingua.

Como eo sape que discutiones linguistic non es un hobby que place tote
le personas -- del mesme forma que colectionar horologios non es un
hobby que me place personalmente --, eo sugereva a nostre amico
Andrew, in mi prime message in iste thread, a facer le proxime
discussiones linguistic in interlingua-coollist, le lista de
Interlingua dedicate a iste hobby. In iste forma, INTERLNG esserea
reservate a discussiones altere que "dissecation" del lingua.

Eo spera que tu trovara plus tempore pro dedicar a tu hobby preferite tamben. :)

Antonielly

--
Archivos e disabonar: http://listserv.icors.org/archives/INTERLNG.html