[ Barbara ]
Le linguas le plus usate in Israel es Hebreo e Russo.
[ Pfaff ]
Io ha legite que Israel ha recipite durante le ultime annos un grande
immigration de judeos ex le regiones del Union Sovietic.  Esque il habeva
multe judeos russe includite anque in le previe immigrationes?  Io suppone
que le grande majoritate del israelis son descendite de personas qui veniva
ex Europa Est e paises arabic/islamic.

In contrasto, malgrado le facto que un grande e importante parte del
population judee del mundo vive in le SUA, io ha legite que emigration de
judeos american a Israel non es grande.  In veritate israelis emigra ex
Israel a in le SUA.  Ex le synagoge que io visita alcun familias ha facite
"alija" (retorno a in le terra promittite) e alcunos ha planos pro facer lo
in le futuro.

Io non pote rememorar haber jamais vidite un israeli in le television qui
non parlava anglese MULTO ben.  Io pensa que il es facile haber le
impression que anglese joca un grande rolo in Israel.  Ma forsan le
realitate israeli es differente del imagine televisic?  Essera
interessant....  :-))

Kjell:
Secundo mi cognoscentia il ha tanto russophones in Israel que illes ha su
proprie publicationes e mesmo un partito (multo religiose e ducite per le
dissidente Anatolyj Shcharanskij (usante un hybrida de transkription
nordeuropee e interlinguese).

Le colonnes al ripa cisjordanian sembla esser ante toto judeos del Statos
Unite e le previe Union Sovietic. Io audiva etiam per le radio un
intervista con un seniora qui habeva vivite su prime annos in Svedia, assi
que illa parlava svedese toto perfectemente.

Il ha multe personas qui vive in Israel ma scribe in altere linguas. Multo
interessante es le scriptor Natan Shakhar, qui es correspondente del grande
jornal stockholmese Dagens Nyheter in Jerusalem. Io recommenda su libros a
omnes qui es capabile leger le svedese.... e possibile traductiones in
altere linguas. Pro me il ha le projecto leger su libro del judeos in
Espania e le effectos del hispanitate al paises colonial. Ma justo nunc io
lege Le pharaon de Boleslaw Prus pro comparar le libro con Sinuhe le
egyptiano de Mika Valtari. Mi bibliotheca non habeva un version svedese del
libro de Prus solo del polonese. Un multo bon causa non oblidar iste
agradabile lingua. Io retornara con "opiniones".

Amicalmente




[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden