Ciao,
io legeva alco re Occidental/Interlingue, alco re Romanica, alco re 
nostre Interlingua, alco re Lingua Franca Nova, alco re Romanova, e 
certemente re Esperanto e su Ido, e re le altere linguas auxiliar 
differente.

Tote iste linguas, con le possibile exclusion de Esperanto, Ido e le 
"alteres", es multo simil. Io - e vos - pote comprender quasi 
completemente Interlingue, Romanica, LFN, Romanova, ultra que 
Interlingua. Alicunos inter nos comprende un pauc de Esperanto e ergo 
anque de Ido, alicunos comprende Ido e pote comprender Esperanto.

Que vole io dicer con isto? Que il es juste que un lista re Interlingua 
sia usate pro scriber in Interlingua, assi como un lista re Romanica 
debe esser usate pro Romanica e como un lista de Esperanto debe esser 
usate pro Esperanto.
Ma, in veritate, si on va probar... un Romanovista pote parlar con un 
Occidentalista sin problemas. Ergo... no guerras! Guerras veni del 
impossibilitate de comunicar. Si on pote comunicar, on deberea explicar 
se civilmente, nonne?
Alicuno ora dice "ma io non pote comprender Esperanto!". Ma si le 
esperantista non es fanatic, ille pote probar a comprender interlingua 
(o un altere lingua auxiliar que on parla). E si ille non pote/vole 
comprender un lingua auxiliar, quasi certemente ille cognosce un pauc 
de anglese, o de un altere lingua commun.
(Certo, si le esperantista es fanatic on va demandar a Ensjo un del 
bombas del UMI :P - Ensjo e Mardy, vos sape ;)

Lo que io vole dicer, extemporaneamente, es que il ha jam troppe 
guerras de troppe typos, e linguas auxiliar deberea adjutar le 
communication, non esser un ration pro litigar!

Pro concluder... il es bon que on proba limitar le uso de 
non-Interlingua in iste lista de interlingua (pro exemplo si un 
italiano ha dubitas re interlingua, ille pote scriber al lista 
interlinguaitalia in italiano), ma on non debe vider un parlator de un 
altere lingua auxiliar, super toto si su lingua es multo simil a 
Interlingua, como un possibile inimico.
Nos omnes debe esser unite in lo que es scripte super le homepage de 
interlingua.com: "communication sin frontieras"!



Perdona me pro iste exploit pacifista ;)

Daniele, que tosto comenciara facer le prime probas pro le T-shirt in 
interlingua.
-- 
Daniele Nicolucci (Jollino)
"Tengo pomada pá tó los dolores
remedios para toda clase de errores
también recetas pá la desilusión"