Post un previe septimana de frigide temperaturas, le aere ha devenite
plus calide e placente aqui in Atlanta.  Le flores florescer se.
Io e mi sposa habeva un bon promenada in nostre vicino que durava
circa 45 minutas.

In le interim io ha multe projectos professional a completar, e isto
es le tempore pro preparar nostre formulario de taxas.  Io usa le
programma Turbotax, que passa per le formulario, demandante entratas
de receptas e expensas, etc..  In le fin le programma imprime le
formulario con tu entratas e tote le summationes, computa tu
taxas debite, e mesmo pote inviar lo electronicamente al Servicio
de Receptas Interne.  Isto va requirer tres dies, plus o minus.

Assi io non va esser presente multo aqui durante le resto del mense.

Cordialmente,
Stan Mulaik