Car Jay,

Pardona me si tu senti un accento de irritation in mi message del 18
de octobre. Crede me, io non ha volite offender te. Ma le prime pagina
del sito "Europeano" me ha date le impression que in illo on ha le
intention de promover un lingua, del qual post 1951 quasi omne
adherentes remanente ha adoptate le lingua de I.A.L.A.. In le prime
pagina del sito tu ha date  nulle introduction que explica que il se age
hic de un studio historic, un studio que intende cognoscer e explorar
un phase in le movimento del lingua international.

Si tu habeva presentate le sito como informative e historic e si tu
habeva indicate le ligamine con le Interlingua de I.A.L.A., mentionante
le tractos superior de iste ultime lingua, io non me haberea opponite
e io haberea legite tu textos con altere oculos.

Que io non me oppone a studios historic, io ha demonstrate ancora
recentemente, publicante le libro per Ingvar Stenstrom, "Occidental/
Interlingue, factos e fato de un lingua international".
(Interessatos pote haber iste studio importante, post haber inviate
5 dollars (o equivalente in francos, marcos, etc.) in un inveloppe
a mi adresse: Steenen Camer 4, 3721 NC Bilthoven, Nederland.)

Salutes amical de Piet