d[000508] x[Allan Kiviaho] KivA-058
s[I LOVE YOU ALL SO MUCH! - Virus]
[log in to unmask]

Edo,

Quando le virus colpava le previe jovedi io era a
seminario re Windows 2000 e Office 2000
(de Microsoft). E quando io arrivava al travalio le
sequente matino io trovava que duo personas habeva su
computatores infectate per iste virus.

Un de illos era un juvene puella sed altere era un del
directores le plus eminente del nostre jornal. Illo
nonobstante que ille ben sapeva como periculose il es
de aperir dubitose datarios attachate in messages
telapostal ille lo habeva aperite proque illo
era - semblantemente - expedite per un le socios
cognoscite de ille. Actualmente le virus habeva
prendite su adresse telapostal ex un computator de
alicun altere persona. A proposito, nostre corporation
non usa MS Outlook sed Lotus Notes.
                                                                  .
-------------------------------------------------------------------
Edo Neilson 000507: An le companias F-Secure e AVP ha inviate a vos
un codice anti-viral contra iste virus "I love you" subito? O an un
periodo de disveloppamento es necesse? (Alcun horas.. dies?)
-------------------------------------------------------------------

Il es paradoxal que iste virus, que era forsan le plus
destructive in le historia del viruses computatorial,
era multo primitive. Mi collega a un altere
departimento aperiva le codice, illo era facite con
Visual Basic usante longe lineas de macros de ipse
Microsoft.

F-Secure inviava le codice post ca. 3 horas sed tunc
de horas del travalio de nostre officio era jam
passate.

Io collava advertimentos de virus a nostre ostios e
discargava le instructiones "anti-love"
(5 paginas ...) ex le telania del F-Secure. Le
programma antiviral non poteva disinfectar
computatores jam infectate, le disinfectation
demandava multe travalio "manual", destruction de
datarios infectate, editar le registre de Windows etc.

Ab vespere del jovedi le servitor central telapostal
(Lotus Notes) de nostre corporation automaticamente
destrueva omne datarios de "Love" attachate. Sed
durante le venerdi appareva al minus tres nove viruses
que possibilemente era variationes del Love Letters.
Un de illos habeva un nomine latvian (o lituanian ...)
sed io non habeva illos a casa.

Le specialistas de nostre servicios telal era
consternite per le facto que alicun de nostre usatores
non comprendeva que le datario attachate era un virus
benque illo habeva in su nomine le extensiones
*.txt.vbs

Le "txt" era bluff, le datario viral era actualmente
de forma del MS Word (*.DOC).

Le hysteria global ha essite grande. Naturalmente
mesmo F-Secure ha presentate iste cosa
dramaticamente - illo apporta nove clientes. On
previde que durante iste fin del septimana nove
attaccos viral son expectate. Post un e medie horas io
lo vide.

In omne caso le damnos in nostre corporation era multo
pauc.

Salutante

Allan
Un virologo h.c.

P.S.
                                         .
------------------------------------------
Edo: An le companias F-Secure e AVP ha ...
------------------------------------------

Le AVP es un compania russe fundate per un
programmator antiviral legendari, Sergeij
Kasperskij.

Iste compania adjuta le F-Secure contra viruses que
son create in Russia.