Le sorta de sporto que ego ama practicar es le ambulatura a bastones (o 
secundo le francese que ego videva, marcha con bastones). Le idea es que 
tu ha bastones quasi a ski, ma un pauc plus curte. Le ambulatura nordic, 
marcha nordic, o Nordic Walking que on anque usa in plure linguas 
europee (es stavgång in svedese, i.e. ambulatura a bastones) es le arte 
skiar sin skis e sin nive.

Que ego lo practica anque sin scarpas, omnes qui me cognosce pote 
comprender. On batte duo aves per un petra (como dice le angleses).

Nos habeva usque 11 grados Celsius hodie. Le sol brillava e on sentiva 
le ver primavera, non solo le aperitif.

Pro alcun minutas ego poteva oblidar le terribile delition del 
antiquitates a Bagdad e pensar del sol e le belle tempore que il face. 
Practicar le ambulatura e sentir se bon.

Kjell R