Le prestre famose (julkispappi? kändisprästen)

Un prestre Ma Oftedahl ha essite deprivate su derecto de esser prestre in le
ecclesia svedese pro isto que illa ha 
1. lassate esser baptisate un altere vice in un congregation extra le
ecclesia svedese (e on non pote - secundo le regulas - esser paptisate duo
vices. Le paptiso es un sacramento que non pote esser ripetate.

2. Illa ha, durante le practicar de su vocation como prestre indulgite in
shamanismo, facente "viages a tambur", usante crystallos e altere practicas
que secundo un instantia del ecclesia, pro le qual ego non trova un nomine
interlingua, non sta in accordo con su position como prestre del ecclesia
svedese. 

Naturalmente il ha un grande discussion pro et contra. 

Pro Ma: Ben que ille practicas non es sanctionate on poterea haber
demonstrite un poco de clementia. 

Contra: Le ecclesia - como un organisation qualcunque - ha un programma.
Illes que visita un ecclesia debe saper plus o minus lo que illos va
incontrar in illo. Il es false consilios al usator si on non pote haber
confidentia in illo que un prestre face lo que un prestre debe facer, lo que
non es shamanismo. Illa ha le plen libertate facer lo que illa face, ma non
in le ecclesia svedese statal.

Ben, dice alteres, ma proque on non age in le mesme maniera contra ille
prestres qui non accepta feminas prestres. On ha resolvite in un incontro
del supreme consilio del ecclesia que le feminas ha le derecto esser
prestres al mesme nivello como le viros, como pote illo nunc esser que il ha
prestres viros qui non accepta iste situation e non approba episcopos, qui
debe esser considerate lor principales (chefs - non illes de cocina). Esque
le mesme regulas non debe aplicar a illos como al prestre Ma Oftedahl? 

E como un comentario a isto le television svedese presenta un intervista con
un prestre in Norvegia, qui (le prestre dunque) non accepta prestres feminas
usque a ille grado que ille mesmo non accepta le prime episcopo femina QUI
ES SU CAPITE (PRINCIPAL/CHEF)!

In Svedia il ha mesmo occurrite que prestres viros qui non accepta feminas
qua su collegas ha purificate le spacio ecclesial per fumo pro purgar lo del
mal influentias de prestres feminas qui ha essite ibi. 

Un commentario in le discussion in re le expulsion de Ma Oftedahl como
prestre: Si illa haberea vivite in le Statos Unite, illa poterea formar un
proprie ecclesia. Le observator stupefacte se demanda proque illa non
poterea facer isto etiam in Svedia. 

Vos debe conceder que isto da un nove dimension al parola _infotainment_!

Observante- e stupefactemente

Kjell Rehnstroem    
Vaenortsgatan 87      
S - 75264 Uppsala
email: [log in to unmask]