========================
LE LINGUA DEL BAYONETTAS
========================

ab[Allan Kiviaho]
da[970828]
su[Le lingua del bayonettas]

Ave interlinguanistae, moriturus te salutat!

Interlingua es un lingua multo clar e belle.

Le lingua del bayonettas es etiam plus clar ma non
como belle, forsan.

On ha inseniate a me le lingua del bayonettas quatro vices,
duo vices in le Union Sovietic e duo vices in Romania del
Sr. Ceaucescu.

---------
LECTION I
---------

Mi familia ha visitate Leningrad multo vices per autobus e
per traino. Sankt Peterburg - Petrograd - Leningrad es un
bellissime citate. Nostre ultime visita occurreva in 1985,
quando io deveniva 50 annos. Assi nos non ha vidite
Sankt Peterburg del Russia de post-bolchevismo, solmente
Leningrad.

Durante le tour le prime pausa occurreva in Viipuri,
presso le bordo.

Viipuri-Viborg-Vyborg (finnese-svedese-russo) era un parte del Finlandia
durante plus que 700 annos ma era libertate
per le russos in 1944. Viipuri era le secunde citate del Finlandia e
multo belle. Le castello de Viipuri ha 703 annos. Postea Viipuri era
occupate per le russos illo
cadeva in decadentia horribilissime. Illo non era un citate
normal ma un territorio militar del Union Sovietic.

Le sovieticos habeva transportate a Viipuri bielorussian ges (ge = viro
+ femina) ex le paludes del Pripyot, le territorio ex-polonese. Isto ges
era in stato multo
primitive e illis (illi = ille + illa) era multissime
povre. In medie de tote isto decadentia era le station de
ferrovia multo imposante, un typic examplo del architectura del era de
Stalin, como un ancian templo grec. Le station original finlandese
habeva essite designate per Eliel Saarinen, un architecto famose del
mundo, qui ha designate
anque le station de ferrovia de Helsinki. Le station finlandese era
destruite in le guerra ma, amusantemente, alicun metros del muro ancora
existeva.

Nostre autobus faceva un pausa ante le station. Simultaneemente le
traino ex Finlandia arrivava in le station. Io era curiose de vider le
traino finlandese e
pipava post le angulo. Al quai stava un soldato armate con
Kalashnikov. Quando ille me videva, ille parlava me con un curva de 20
centimetros con su bayonetta. Io comprendeva.

----------
LECTION II
----------

Durante un altere viage a Leningrad nos voleva visitar le
legendari cruciator "Aurora". "Aurora" era le sol nave que
poteva escappar ex le battalia de Tshushima in 1905, in que
le marina japonese sub admiral Togo totalmente annihilava le flotta
russe sub admiral Rozhdestvenski.

In le Grande Revolution del Octobre (1917) "Aurora" dava
le signal del start del revolution per un tiro de cannon.

Durante le assedio de Leningrad 1941--44 "Aurora" faceva
un duello de artilleria contra le germanos.

"Aurora" es le plus famose nave del guerra in le historia
moderne de Russia.

Ante le nave stava un marinero in guarda. Ille era un multo belle viro
con parve mustachios nigre, forsan ex Caucasia,
illo pareva como un georgiano. Ante que io poteva demandar alique le
marinero faceva un curva de 1 millimetro con sun bayonetta al direction
del nave. Su facie remaneva petrose.

In le nave era un exposition multo interessante del
"Esquadron Normandie-Niemen", un esquadron de voluntaris francese, que
luctava in le fortia aeree sovietic contra
le german Luftwaffe.

                           - - -

Car amicos!

Illos era le lectiones I-II, le parte sovietic in nostre
curso de lingua del bayonettas. Le lectiones III-IV, le
parte romanian, sequera tosto.

Allan
Maestro de lingua del bayonettas