Traduction de http://www.pagetable.com/?p=27

SKYPE LEGE TU BIOS[1] E NUMERO SERIAL DE CARTA MATRE
Usatores de Skype qui usa le versiones a 64 bit de Windows como me,
probabilemente ha verificate que quando nos initia Skype, appare le
sequente fenestra de dialogo:
-----
The program or feature “\??\C:\Documents and Settings\Myria\Local
Settings\Temp\12\1.com” cannot start or run due to incompatibility
with 64-bit versions of Windows. Please contact the software vendor
to ask if a 64-bit Windows compatible version is available.
-----
Ben, bizarre. Skype es tentante de exequer un archivo .com, que non
labora supra Win64 proque illo non ha NTVDM[2]. Que nos prova aperir
lo con Hex Workshop [un lector hexadecimal, ndr]. Accesso non
permittite? De accordo, io terminara Skype pro leger lo. Ancora non
pote io?! Aqueste cosa comencia vermente a enoiar me. Io usara
WinDbg pro terminar winlogon.exe e fortiar un kernel panic[3]. Io
reinitia e ORA io pote leger le damnate archivo.

Un archivo exequibile e inlegibile veniente de Skype sona
interessante, assi io lo reguarda. Illo es longe 46 byte. Pro
rationes de copyright io non pote postar le archivo o un complete
disassemblato[4]. Comocunque, io pote describer le programma in
terminos de [linguage de programmatio] C del DOS a 16 bit:

int main(void)
{
fwrite((const void far*) 0xF0000000, 1, 0xFFFF, stdout);
fwrite((const void far*) 0xF000FFFF, 1, 1, stdout);
return 0;
}

Illo es memorisante tu systema BIOS, que solitemente include tu
numero serial de carta matre, e lo invia al application Skype. Io ha
nulle idea pro que illes es usante lo, o si illes invia qualcosa a
lor servitores, mais io suspecta que qualcunque cosa illes es
facente, illo non es bon date lor tracia de memorisation.

In Windows NT a 32 bit, includente Vista, le nucleo permitte NTVDM
facer un mappage a sol lectura del BIOS al adresse 000F0000. Isto
permitte a programmas DOS avviate sub NTVDM facer uso del BIOS. Isto
es como aqueste programma de 46 byte es capabile de inviar le BIOS
al application Skype, e tamben explica proque illes usa aqueste
mechanismo pro comenciar con [le application].

Si illes non habeva essite ignorante del mancantia de NTVDM in
Win64, necuno haberea potite verificar aqueste occurentia.


Que viva le software aperte!
Imbracios amical
Giovanni

[1] BIOS, en: Basic Input/Output System, systema de base
immission/production [de datos, ndr]
[2] NT Virtual DOS machine
[3] kernel panic, panico del nucleo [del systema operative].
    Illo es un message visualisate per un systema operative quando
    illo trova un error de systema interne del qual illo non pote
    recovrar se.
[4] disassembly, es le resultato quando un codice machina es
    traducite retro al linguage assemblative.

--
Archivos e disabonar: http://listserv.icors.org/archives/INTERLNG.html