Chris Burd wrote:

> On Fri, 29 Dec 2000 10:51:26 +0200, Allan Kiviaho
> <[log in to unmask]> wrote:
>
> >Le mesme concerne Canada. Multe finlandeses ha
> >emigrate a Canada.
>
> Si, il ha multe canadianos de origine finlandese, specialmente in Nord-
> Ontario e le provincias de prairie. De facto, duo amicos intime mie son
> finno-canadian.

Ego incontrava unquam un canadiano ("canadense"
(kanadensare) nos dice in
svedese) in un transbordator (ferryboat) de
Finlandia a Svedia. Ille habeva
probate parlar le finno con un nativo qui era
enervate proque le persona in
question parlava mal finnese (ille habeva jam
alcun biras in le stomaco). Un
finno vivente in Svedia le quietava et postea ego,
le finno de svedia e le
canadiano conversava. Le svedofinno non parlava le
anglese, ma multo bon
svedese, ego parla un poco anglese et svedese,
assi que nos traduceva
finno-svedese-anglese et anglese-svedese-finno!
(Ego apprendeva un massa de
finno ascoltante le traductiones!)

Toto finiva multo ben, omnes era bon amicos, et on
videva de novo le bon cosa
del communication.

Cris scribeva:
> 
> Interessante. Un amica de mi marita ha scripte su these de magistro sur le
> mesme autor, Lucy Maud Montgomery. Il pare haber un sorta de movimento
> inter academicos feminista pro "reclamar" Ms. Montgomery (famose pro "Anne
> of Green Gables" e altere favoritos classic de juvene pueras).
> 
Si iste libro era legite del pueras in le schola
quando ego lo attendeva. Il sembla un multo
edificante libro. Ego nunquam legeva le libro. In
le schola ego habeva como principio evader omne
libros recommendate per le instructores. (Pro isto
ego non legeva plus que necessari de nostre grande
August Strindberg, qui de facto merita su fama). 

Le schola, ego pensava, non poteva acceptar le
fantasia. Selma Lagerlöf qui scribeva su libro del
Viage per Svedia de Nils Holgersson, fini
suggerente que le mirabile viage sur le dorso de
un ansere era un sonio, que ille non era combiate
in un parve gnometto! In facto iste libro era un
obra de commanda. Le scholas voleva un bon libro
de lectura e se tornava a Selma Lagerlöf, ipse un
habile instructor ante que illa comenciava dedicar
se plenmente al scriptura. 

Et in Svedia il ha anque le poemat de Elsa Beskow
del puero Putte qui es in le silva de mirtillo e
es cambiate a un formato multo micre, ubi le
mirtyllos es grande como pomos! Et naturalmente le
divertimento es brutalmente cambiate in isto que
ille se evelia. 

On tanto timeva le fuga del realitate et non osava
dar spacio al fantasia. Durante que un del prime
scriptores de fiction scientific svedese (cuje
nomine ego ha oblidate) scribeva un multo bon
libro de un viage a Venus, ubi le Venerianos era
insectos qui communicava per un specie de tabulas
a chaccos que illes habeva sur le pectore e
monstrava per le "digitos" in varie combinationes! 

E le historias de phantasmas in le tempore libere.
Necuno credeva in illos ma illos dava un
sentimento de terrification quando on se trovava
in un camera o un loco tenebrose!  

Viva le fantasia!

Cellus