Ego risca repeter me, sed forsan toto non ha functionate ben. Ergo, con le
vigilia post me io pote narrar un cosa interessante. Nos habeva un Natal
Blanc pro duo causas.

Io, mis soror, matre ex-marita e infantes juncte con vetere amicos e
vicinos festa le vigilia natal in simul. In Svedia isto es un festa multo
familial. On non va in locales sed on es a principio a casa. Durante le
ultime tempore multo se cambia. Homines se uni pro festar le vigilia in
varie constellationes (o forsan on debe dicer conhumanisationes ;-)

Viste que multe homines conduce autos on proba esser caute con le
biberages. Nos habeva dividite le cargas, qui prende que al vigilia commun
apud mi exmarita. Le damas es multo bon cocineros, mi soror habeva volite
comprar biberages forte (=alcoholic) sed me narrava que illa habeva ponite
le piede in le boteca del Societate Actionari "Systema" in Svedia e tornate
in le porta, proque il era un enorme grege de homines volente comprar le
biberages. Illa ergo tornava al porta.

Io diceva que isto non del toto importa. Io me solidarisa con le
conducatores automobilista e va biber solo aqua e altere bibitas
non-alcoholic. Lo que io etiam faceva. In iste maniera nos habeva un Natal
blanc in duo sensos:
1. Il ha nive (multo poco :-)
2. Nos habeva solo varie sortas de soc e de biberages non-alcoholic.

Un observation que io ha facite es que multe humanos vive in situationes
que non del tote es illo de un patre, un matre e infantes. Multes vive sol,
e il ha personas qui ha nulle cognoscitos. Con attention a isto il es
fantastic que le medios se concentra in familias. Un persona qui vive sol e
ausculta le radio o le television pote esser tote ruinate pro omne le
felice familias que es demonstrate. Il sembla esser assi que le medios
monstra isto que es le plus rar, scarse.

Quando io era juvene le pictura in le jornales era que omne homines es
extrememente promiscuose. In le realitate humanos es multo stabile. Ben, le
facto que il ha divorcios etc. es forsan un signo de sanitate. Homines qui
non pote, non debe viver juncte, e isto es a mi aviso bon. Il ha
naturalmente ancora multe culturas ubi isto non es possibile.

Nunc al contrario, quando il es clar que multe humanos vive in lo que se ci
in svedia se appella familias unipersonal etc. le medios da le pictora
general de stabilitate in familias, de fidelitate etc. Isto es un facto
sociologic interessante.

Le vicinos in le appartamento in supra de me es a casa, sed il sembla que
omnes dormi. Io veniva a casa approximamente un hora retro.

Extra le casa il face circa 0 grados Celsius. Le medios parla de un fronte
de tempore calide que se approxima a mi region de Svedia.

De multo bon hora deman on va ir al eclesia. Il es le costumine in Svedia
de ir al eclesia in le matina e non al nocte como in le paises catolic.
Illes qui pensa que isto es troppo laboriose pote auscultar servicios divin
al radio o reguardar los al television.

Illes qui non ha iste direction pote jacer in le lecto e leger un libro
interessante o ingagiar se con su cohabitante in conversation interessante
o altere activitates edificante.

Calculante del differentia de hora e le differentias cultural, vos mi car
amicos in le hemisfere occidental jam ha tote isto ante  vos. Io pro mi
parte jam ha passate le plus importante parte ante vos. Le donos, le Patre
Natal le mangiar.

Nostre svedese responsa al Salutes del Saison (que on ha in America Nord) es
Bon continuation del Natal
God fortsättning på julen!
E si io me non equivoca io ha audite un cosa simile de Finlandia:
Hyvää joulun jatkoa!



Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden