Gratias, gemino, pro tu explication. Certemente, i'guanas, io era naive
in dicer solmente de un "error" sin pensar que nostre scholar Jay B
haberea un argumento rationabile e referinte a libros e articulos
academic super le historia de religion.

Ma, in un spirito fraternal e alsi academic, io necessita contestar al
minus su description del Samaritanos. Iste semana io es leginte (como
io lo lege cata anno ante le commencia de Pesach, le libro "Passover:
Its History and Traditions," scripte per le grande experto in le
historia del religion e le linguas ancian Theodore Herzel Gaster (1906-
1992), qui era mi professor quando io studiava a Columbia University, e
cuje patre era Moses Gaster, le Grande Rabino de Anglaterra durante
approximemente 40 annos. Gaster ha un capitulo "The Samaritan Passover"
que contene su traduction de un description del Pesach samaritan in un
manuscripto scripte per Jacob ben Aaron (1840-1918), qui era le Kohen
Gadol (Grande Prestre/High Priest) del Samaritanos, le lider del
communitate religiose samaritan (que in su die era plus o minus 200
personas--hodie le numero es plus que 1000, omnes habitante le base del
Monte Gerizim, lor monte sacre). Ille era le persona plus qualificate
in le mundo dicer como le rituales samaritan son observate, e ille
describe como, in le semana ante pesach, omne personas vive in tentas
in le loco sacre in le Monte ubi le sacrificio es facite.

Ille scribe:

"Quando le 14me die del prime mense (lunar) es proxime, tote illes
prepara e va al Loco Selegite in le terra del Monte pro facer le
sacrificio..."

["When the 14th day of the (lunar) month approaches, they all get ready and foregather at the Chosen Place, at the spot selected on the soil of
the Mountain for the performance of the sacrifice..."]

"In le 14me die proprio, illes elimina omne levite de su locos, e lava
tote le utensiles del cocina. Illes lava su vestimentos e cambia los
alsi. Illes non usa necun levite e prohibe lo. In iste die, illes non
mangia necun pan, ni con levite ni sin levite..."

["On the 14th day itself, they remove all yeast from their places, and
wash all the vessels. They also wash their clothes and change their
garments. They refrain from all leaven and ban it from their midst. On
that day, they eat no bread whatever, be it leavened or unleavened..."]

Io vole notar que nos judeos face exactamente le mesme hodie, le 14th de
Nissan--nos elimina tote cosas con levite o granos (excepto matzoh, le
pan sin levite) de nostre casas, nos lava le casa, nos cambia a nove
vestimentos, e nos non mangia necun productos de grano--ni con levite,
ni matzoh (le prohibition contra grano e levite commencia le matin del
14me e dura durante le festa de pesach; le prohibition contra matzoh
commencia le matin del 14me ma solmente usque le vespere--in le seder
consumption de matzoh es mandatori).

Continuante le extracto del Kohen Gadol samaritan:

"Si, in alcun anno particular, le die del Sacrificio Paschal--illo es,
le 15me die del mense--es un Sabbato..."

[If, in any given year, the day of the Paschal Sacrifice--that is, the
15th day of the month..."]

Clarmente, le Pesach samaritan es le mesme die como le judee.

Tu scribe de los "antique Karaitos" alsi--ma que die usa le Karaitos
hodie?

ecumenicalmente,
-Julio, un "Jew for exegesis"

--- Jay Bowks <[log in to unmask]> wrote:
Car gemino JJ,
Il me placeva multo leger le description que
tu scribe del seder. Permitte me explicar
le differentia in le data:

Jesus habeva dicite a su discipulos:
"Io desirava multo passar iste pesach con vos
ante que io suffre"  (Luke 22:15)
Depois ille delineava le celebration del
Ultime Cena, que su discipulos debeva
memorialisar (Luke 22:19, 20)

Le Pesach occurreva annualmente,
il es un vice per anno, assi que il es
rational creder que anque le celebration
del Ultime Cena esserea assi celebrate.
E in le data de Nisan 14 (calendario judee),
e non sempre durante le venerdi proque illo
esseva le die del septimana in le qual Jesus
esseva clavate al stauro.

Assi que le 14 de Nisan deberea esser le die
que Paulo habeva in mente quando ille scribeva
"Quando vos mangia de iste pan e bibe de iste
cuppa vos continua proclamar le morte del Senior,
usque ille retorna" (1 Corinthians 11:26)

Pro le duo seculos depois multe christianos lo
celebrava le 14 de Nisan, ille esseva cognoscite
como "Quartodecimanos", ab le Latino pro le
14e. M’Clintock e Strong reporta que: "Le
congregationes de Asia Minor celebrava le
morte del Senior in le die correspondente al
die 14 del mense de Nisan, in qual die, secun
le opinion de tote le Ecclesia ancian, le crucifixion
occurreva". Hodie, le Testes de Jehovah celebra
le Ultime Cena del Senior annualmente al data
correspondente al 14 de Nisan. Alcunos como
tu ha notate que iste data es differente de quando
alcun judeos celebra le seder... Proque?

Le die del hebreos curreva del poner del sol al
poner del sol le die sequente. Deo commandava
que le agno paschal deberea esser occidite
"inter le duo vesperes" o sia le 14 de Nisan
(Exodus 12:6) Proque? Ben, le multitude de
judeo hodie seque le puncto de vista rabinic
que le agno paschal debeva esser occidite
circa le fin del 14 de Nisan, inter le tempore
quando le sol comencia descender e le poner
del sol actual (o sia inter le 3 e 6 del vespere).
Assi, illes de iste opinion celebra lor seder
depois del poner del sol del 14 de Nisan, o
jam quando le 15 de Nisan ha comenciate.
—Mark 1:32.

Le Testes de Jehovah ha bon ration, non
obstante, pro comprender le expression
differentemente del tradition talmudic o
rabinic. In Deuteronomio 16:6 on lege
que il se diceva al Israelitas clarmente
que illes debeva occider le sacrificio
paschal in le vespere, al poner del sol.
(vide le version judee Tanakh). Assi isto
indica que le phrase "inter le duo vesperes"
refereva al tempore del poner del sol que
comencia le 14 de Nisan e al obscuritate
nocturne total. Le antique judeos Karaita
lo comprendeva in iste maniera assi mesmo
como le Samaritanos que preserva iste
celebration usque nostre die in Israel.

Que nos Testes de Jehovah accepta que
le agno paschal esseva sacrificate e mangiage
"a su tempore appunctate" durante le 14 de
Nisan e non durante le 15 de Nisan es un ration
proque le Memorial que nos celebra alcun vices
es differente del data del Pesach rabinic.
—Numbers 9:2-5.

Un altere ration proque nostre data pote esser
differente es que le alcun judeos usa un calendario
predeterminate, le qual systema non esseva fixe
usque le quarte seculo del era commun. Usante
iste calendario predeterminate le rabinos moderne
pote decider le data del Pesach seculos in avante,
ma in le antiquitate, con le uso del calendario lunar
il se necessitava le insertion de un 13e mense al
calendario pro synchronisar lo con le stationes del
anno. Le calendario currente judee, si io non erra,
adde iste menses a punctos fixe; assi, in un cyclo de
dece-novem annos, un mense extra se inserta al
annos 3, 6, 8, 11, 14, 17, and 19.

Ma Emil Schürer ha publicate "al tempore de Jesus
[le judeos] ancora non habeva un calendario fixate,
ma sur le base de observation purmente empirical,
illes addeva un mense assi como esseva necessari.
Si il se notava al terminar del anno que le Pesach
caderea ante le equinoctio vernal [c. le 21 de Martio],
le intercalation de un mense ante Nisan se ordinava".
-The History of the Jewish People in
the Age of Jesus Christ, Volume 1)

Assi le mense extra se inserta naturalmente, non
addite arbitrarimente.

Le Testes de Jehovah determina le data del
celebration in linea con le methodo ancian:
Le die 1 de Nisan es determinate per quando
le nove luna plus proxime al equinoctio del
primavera poterea probabilemente esser
observate durante le poner del sol in Jerusalem.
Contante 14 dies desde ille evento on arriva
al die 14 de Nisan, le qual corresponde al die
de luna plen. Io sempre ha in mente le multitudes
de israelitas qui faceva su exodo ex Egypto sub
le lumine del luna plen, guidate per Moses :-)

E assi sur le base de iste methodo biblic de figurar
le die 14 de Nisan "inter le duo vesperes", le Testes
de Jehovah circum le globo celebrara le Memorial
del Ultime Cena e le sacrificio de nostre Senior,
iste anno le data es hodie le 4 de April al poner
del sol, le qual es le comencio del 14 de Nisan.

Ma iste celebration o Memorial pone ante nos
alco in plus del commemoration del seder judee.
Tote nos esserea benedicite in comprender que
occurre durante le celebration del Memorial e qual
es le significantia de illo, e como nostre salvation
es involvite in iste evento.

Con salutes amical sempre,
Jay B.


From: "Jay Dobkin" <[log in to unmask]>
> Car gemino JJ:
> Io regretta le necessitate de informar te que tu ecclessia ha essite un
> error is su chronologia: le "ultime cena" era un seder, le cena ritual
> que nos judeos ha celebrate cata anno durante plus que 3000 annos. Jesus
> era un judeo--de facto, un rabbino--e naturalmente celebrava le seder.
> Le nocte del seder es le prime nocte del festa de Pesach (in Israel, ubi
> Jesus era; in le diaspora il ha dos sederes, un le prime e un le secunde
> nocte). Le festa dura septe dies (in Israel, octo in le diaspora). Le
> festa commemora le fugita ab egypto ad libertate per nostre ancestres,
> ducite per Moses.
> Ma le prime die de pesach es le 15 de Nissan, non le 14. In le calendar
> judee, nostre dies commencia non a medienocte ma in le vespere; hodie
(domingo le 4 de april) es le 13 de Nissan e, como tu ha scripte, iste
> nocte commencia le 14 de Nissan. Ma tu celebration del "anniversario"
> del ultime seder de Jesus es un die ante le ver anniversario.
> Le non-existentia de deus nonobstante, deman in le nocte io celebrara,
> como cata anno, le seder del Living Theatre--un grande cena, con 50 o 60
> participantes. Como in tote le sederes que sera celebrate per quasi tote
> le judeos in le mundo, nos usara un libretto appellate le Haggadah, del
> qual nos legera le historia del exodo e le necessitate de libertate; ma
> il ha multe versiones del Haggadah, omnes similar in general ma con
> differentias e variationes. Nostre seder es vegetarian e nostre Haggadah
> (redacte per nostre director, Judith Malina, cuje patre era un rabbino),
> nonobstante que contene un grande numero de pretias hebreo e contas
> traditional, advoca vegetarianismo, anarchismo, e pacifismo como parte
> del busca continuante pro libertate. Como in tote le sederes observate
> per tote le judeos in le mundo, cata participante es obligate per le
> lege religiose de judaismo a biber al minus 4 copas de vino; le uso de
> cannabis es optional.
> Durante Pesach nos non mangia necun cosas que contene granos (trigo,
> secale, etc) o levito. Le sol exceptiones son vino fermentate sin le
> addition de levito (le fermentation usa solmente le microorganismos
> ambiente in le aere) e matzoh, un "pan" sin levite facite solmente de
> farina e aqua, miscite minus que 18 minutos antes de esser ponite in le
> furno. (Personas cuje digestion es delicate pote mangiar matzohs facite
> con farina, aqua, e ovos; le matzoh de alteros non ha necun excepto aqua
> e farina). In le scriptura christian jesus dice "iste pan es mi corpore,
> iste vino es mi sangue" e promette que illos que participa in le ritual
> de consumar sangue e corpore sera immortal [Dracula promette le mesme
> cosa, nonne? :) ], ma de facto le "pan" al qual jesus ha referite era
matzoh.
> Le nomine "Pesach" (del qual le festa christian "Pascha" es derivite)
> es dicite esser derivate de "pasach" que significa "passava super," e le
> nomine de Pesach in anglese es un traduction literal: "Passover." Proque
> le menses judee son lunar, le 15 de Nissan pote esser o in martio o in
> april.
> ritualmente,


_____________________________________________________________
Visit The Armenian Portal At http://www.armenia.com 
Free Email * Shopping * Chats * News