Un commentario politic de Marco Politi (2007-03-27)
http://www.repubblica.it/2007/03/sezioni/politica/coppie-di-fatto-6/solco-ruini/solco-ruini.html
Le entrata in scena del neopresidente della CEI[1] Angelo Bagnasco marca un
stilo nove, plus calme e minus autoritari. Dispari, in respecto al era
precedente, le rigidessa del leader qui decide pro totes e dispari
tamben --al minus in le forma-- (a)quelle implicite adversion prejudicial
al "Ulivo"[2], que characterizava le linea del cardinal Ruini.
Il es un signal importante que Bagnasco ha volite depotentiar le "Jornata
del Familia" de qualcunque valentia antigovernative, dante lo le sigillo
de un "festa" pro sustener le familia. Es isto, del altere latere, le
linea del secretario de Stato cardinal Bertone, qui comprehendeva que le
impacto frontal irrita ample stratos del societate italian.
Mais si le nove approche pare plus blande, supra le question concrete del
copulas de facto on ha un intransigentia de fundo, que veni directemente
de papa Ratzinger e que pretende de vincolar le parlamentarios catholic.
Intransigentia resumite in le pronunciamento papal: "Necun lege facte per
homines pote subverter le norma scripte del Creator". Ubi es date per
secur que supra le qualitate de un lege decide le hierarchia ecclesiastic.
In factos le presidente del CEI se ha hastate subito a
definir "inacceptabile e periculose" le designo supra le DiCo[3].
Inutile simular. Le Family Day es le secunde stadio, post le referendum
supra le procreation assistite, del climax[4] del Ecclesia como subjecto
politic.
Inutile celar se que le manifestation del 12nde maio ha su fulcro in le
esser contra le DiCo, i.e. contra le affirmation de un derecto civil: le
regulamentation del conviventias e le recognoscimento del uniones
homosexual.
Le historia es teste. Il le 1980 Johannes Paulo II ha convocate le synodo
international de episcopos pro discuter del familia.
Successivemente le pontifice ha pubblicate le documento Familiaris
Consortio. In un quarto de seculo le Ecclesia italian non ha jammais
sentite le besonio de organisar un simile mobilitation massive pro le
familia. Illo eveni solo hodie que se tracta de impedir le approbation de
un legislation ja adoptate tranquillemente in le majoritate del paises
europee, sovente con le concurso o initiativa de partitos demochristian.
Curre ora le version que le manifestation del 12nde maio serea fructo del
initiativa "laic" del associationismo catholic. Illo non es assi. Il es
ver que le idea veniva primo al leader de Rinnovamento nello Spirito e del
Neo-catecumenali supra le exemplo del battalia frontal ingagiate del
Ecclesia espaniol contra Zapatero. Mais ni illes ni le Forum delle
famiglie haberea jammais habite le capacitate de reunir le galaxia blanc.
Al contrario, le projecto era in curso de saltar pro le divergentias
interne al mundo catholic.
Qui ha portate con ferree determination le movimentos circa al tabula, con
le objectivo prefixate de un documento unitari e de un manifestation de
massa, ha essite le capitanos del CEI. Del altere latere, il es difficile
resister al extortion susurrate: le papa lo vole. Se ha repetite
ugualmente le schema leniniste del campania antireferendum del 2005. Con
aspectos tamben surreal. Quando ancora le associationes discuteva si facer
o no le Family Day, misenior Rino Fisichella --desde sempre in perfecte
syntonia con Ruini-- preannunciava ja un demonstration e indicava tamben
le loco.
Emerge (a)qui un particolaritate exclusive del Italia, que Benedicto XVI ha
selectionate como su trenchea in le Occidente secularizate. Nostre pais ha
un flabello enorme de initiativas de ingagiamento religiose. Qui adhere al
Azione Cattolica crede in le "mediation" inter evangelio e societate, qui
seque le CI[5] crede in le "presentia", qui es in le Acli[6] se batte pro
le relation inter fide e mundo del labor, qui sta con Rinnovamento es
attracte del relation con le Spirito, qui seque le Neo-catecumenali
repercurre un cammino de initiation, e se poterea continuar. Necuno de
(a)queste catholicos ingagiate ha delegate a proprie leader de entrar in
le dettalio legislative de un regulamentation de copulas de facto. Necuno
inter illes --e illes ha existentias tan varie-- ha essite jammais
interrogate supra le question.
E del alto, es del cathedra vatican que le associationismo catholic veni
plicate al exigentia de un strategia, que entra directemente in le salas
parlamentari italian pro dicer que se pote o non se debe facer. Assi como
le palacio vatican ha venite le singular telephonada de assenso del
Vicario de Christo a un capite-partito, le ministro Mastella, pro su obra
de sabotage del DiCo. Episodio unic in le historia contemporanee del
catholicismo.
Ben differente es le situation in le SUA, assi sovente citate pro su
religiositate de episcopos, teocon o atheos devote. Proque in le States
cata gruppo religiose se gania le consenso al aperto.
Il ha le baptistas fundamentaliste e les liberal, le episcopalanos pensa
differentemente del adventistas, etc.
E necun Capitano del alto obliga le unes a manifestar insimul con le
alteres ni se permitte de dar indication de voto imperative.
Il ha totevia un dettalio in le scenario italian: le citatanos desde annos
repete in le sondages respecta le Ecclesia, mais illes non vole que sia
illo a facer le leges. Ora es le turno del classe politic pro revindicar
decisemente su proprie autonomia.
[1] CEI, Collegio Episcopale Italiano
[2] Ulivo, coalition politic italian de orientamento centro-sinistre
[3] DiCo, DIritti e doveri delle persone stabilmente COnviventi,
derectos e deberes del personas stabilemente convivente
[4] Climax, del greco klímaks (scala), dicte equalmente gradatio (del
latino), es
un figura rethoric que consiste in usar plus terminos o locutiones con
intensitate crescente
[5] CI, io non lo ha trovate :P
[6] Acli, Associazioni Cristiane dei Lavoratori Italiani,
Associationes Christian del Laboratores Italian
--
Archivos e disabonar: http://listserv.icors.org/archives/INTERLNG.html
|
