Car Kjell R., amicas e amicos,
a vices, quando io ha tempore, io continua a leger le messages de iste lista. Vos sape: io ama interlingua! Illo es como un droga pro me.
E totevia, quanto es fatigante leger usque al fin le messages que vos invia durante iste ultime periodo!
A Treviso io e mi amicos coetanee senti le proxime arrivata del primavera. Le ripas del Adriatico nos attende.
Le sol es omne die sempre plus calide, assi nos debe incontrar nos durante longe promenadas durante le horas de sol.
Nos selige le locos de Treviso ubi le sol dona nos su calor. E nos continua a discuter reguardo al voluntariato, al familia, al politica, al belle filias que nos incontra numerose e que nos gusta con nostre oculos sin sparniar nos, in consideration que isto resta a nos e que, totevia, le feminas continua a facer belle le vita e le familia.
Obviemente nos debe facer un reposo al solite taverna ubi nos pote degustar un poco de vino, del melior, e insimul degustar alcun delicatessas local. Le vino servi a exaltar le delicatessas, illos servi a facer appreciar le vino.
Alteremente nos pote seliger un pastisseria con altere sorta de delicatessas e, solitemente, un caffe con lacte que nos nomina cappuccino.
Ponite in nove fortia, nos retorna a nostre sol pro un altere discussion e un altere promenada.
Le mundo appare plus triste respecto al contento del messages a iste lista. Il pare que toto debe precipitar.
Al contrario, nos vetulettos trevisan, ha ancora tante voluntate de viver e facer lo al melior condition.
Le veneto dice: "mi no vado a cambatar!" e isto significa: "Io non vade a combatter!" ubi le significato del verbo combatter vade ultra al concepto de pugnar e comprende omne adversitates del vita.
Quanto es fatigante viver a Treviso!
Nostre cultura ha iste pretensiones, que pote nos facer a iste puncto del vita?

On dice: tu Mario scribe in un modo que non es facile a comprender.
Eh! De accordo. Ma vos debe haber patientia, leger con attention, il non es facile comprender le philosophia de un vita que gaude su paradiso terreste.

Mario