Ora il es le 18 horas, o como usa le angleses le 6 PM, e le lumine del die
es ancora bon.
Io guarda a mi placia (illo ubi se prospice mi domo). Il pluve con le sol!
Un pluvia multo leger e totevia le personas ha le umbrella aperte.
Io scribe iste message a peciettas, pro attender le poner del sol.
Ora il es le 18 e 20 e sona pro le ultime vice del die le campana de Santo
Stefano, le parve ecclesia que io ha vicin a mi domo.
Io ama multo le sono del campanas. Illos determina le momentos de un
jornata. Mesmo durante le nocte io audi le horas per le turre civic.
Io vide de mi fenestra, retro mi domo, le turre. E io sape que le Marangona,
nostre principal campana historic, ora sona solmente con un apparato
electronic.
Il es un question de precaution, pro le stabilitate del turre.
Ora le turre sona solmente le horas e isto face melancholia. Nos sentiva le
Marangona al 9 e al 12 horas e al 17 horas in le vespera e in le occasion
del reuniones del Consilio comunal, generalmente al 21 horas.
In ultra in le occasiones solemne del citate. Ora le campana tace. Mesmo al
hora 13 del 7 de April, le die del plus grave inter le bombardamentos aeree
que pativa nostre Treviso in le 1944.
Un melancholia como illo de iste momento que precede le poner se del sol.
Il es le 18 e 37 e le sol es justo supra le tectos del domos vicin.
Como es longe le poner se del sol (tramonto in italiano) si uno se pone a
attender lo!
Le 18 e 54. Le sol se reflecte contra le faciadas de un latere del placia e
illo percurre completemente Via San Nicolo'.
Le templo de San Nicolo', uno del plus vetule monumentos del citate, ab le
annos 1200. Mi domo es del 1360, circa.
Le turre sonava le septe toccos del 19 horas. Io seque mesme un chat con
Angelo, un mi amico de El Salvador qui vole laborar in Italia.
Le celo continua a esser luminose e terse. Ma non per multo, ancora.
Le prime umbras es in arrivata.
Que debe io facer pro demonstrar a Kjell, que mi estate, resta totevia
melior del sue. Ille sera jam in le tenebras del nocte.
Il non pluve plus de multo tempore. Mesmo le placia es essugate, suta in mi
dialecto. Totevia esser suto significa mesmo non haber moneta, tu vide!
Le 19 e 17 e le turre civic, 48 metros, ha ancora un latere totalmente
illuminate per le poner se del sol.
Le tocco del medie hora ab le turre (19 e 30).
Al 19 e 52 anque le turre non es plus illuminate, lo es solmente le celo e
ora io debe cenar e assi io termina iste chronica, ancora con le lumine del
die.
Bon appetito!
Mario
>From: Kjell Rehnstrom <[log in to unmask]>
>Reply-To: "INTERLNG: Discussiones in Interlingua"
><[log in to unmask]>
>To: [log in to unmask]
>Subject: Re: Tu me surprende! I.e. ventos e sol
>Date: Thu, 29 Aug 2002 07:00:44 +0200
>
>Mario Malaguti wrote:
>
> > Tu me surprende, car Amico, il sera un question del tempore. E, a iste
> > proposito, ha ancora tu un prosecution de bon tempore? Io ha le pluvia
>mesmo
> > hodie. Nos finira como le pisces, si non interveni un poco de sol.
> > Conta me tu estate, il pare que tu sia le unic qui lo ha gaudite iste
>anno.
>
>Le nocte passate monstrava un temperatura minimal de 15,5 grados Celsius.
>Il
>falta 3 dies - calculante inclusivemente - de augusto, un mense que debera
>esser
>recordose! Septembre essera probabilemente un tepide final de un estate que
>ha
>essite le station del anno de mi desiros! Nunquam ha ego vidite un tal alte
>percentage de pantalones curte (shorts) adornante le viros e feminas in le
>stratas, non solo in Uppsala ma anque in Sundsvall, que justo iste anno.
>Heri
>ego era surprendite del subite tenebrositate, e lo que ego videva era un
>remarcabile "cumulus", quasi ego habeva oblidate como aspecta un nube. In
>un tal
>caso on pote solo expressar su guadio e gratias al natura e al leges del
>natura
>que ha coincidite a un tal fantastic station del anno!
>
>Le nocte antepassate il pluveva. Le prime vice de un remarcabile periodo de
>tempore, e malgrado isto, toto es ancora verde e agradabile.
>
>Le temperatura maximal certo hodie essera 24 grados. Sufficente! Bon!
>
>Contentemente
>
>Kjell R
Mario Malaguti
Piazza della Vittoria, 16
31100 - Treviso (Italia)
http://www.mariomalaguti.it
mailto:[log in to unmask]
_________________________________________________________________
MSN Foto č il sistema pių facile per condividere e stampare foto online:
http://photos.msn.it
|
