Allan Kiviaho ha scripte:
> 
> Io non plus attaccava contra Esperanto ma io crede que
> necuno deveniva furiose si tu promove le evangelium
> de Esperanto - in Interlinguan ...!

Io vide nulle problema in Ken parlar super Esperanto. Ma ille debe
rememorar tamben que, le *majoritate* del personas hic non sape
Esperanto. Differentemente del lista AUXLANG, ubi le personas habe ja un
passato de recercas in linguas auxiliar e probabilemente habe alcun
cognoscentia basic de su grammatica e vocabulario.

Io anque es abonate al lista AUXLANG, e ab le postages de Ken, io pote
vider que ille es un persona multo amabile e que evita le discussiones
plus accalorate. (Rememora Bruce recentemente, Ken? Ugh!) Ille non es le
typo de esperantista "fanatic", que non accepta altere linguas auxiliar.
Tal personas existe, ma il ha tamben multe alteres qui, como Ken, habe
un mentalitate aperte.

Ken defendeva multe vices su adherentia a Esperanto dicente que ille
"vole usar un lingua auxiliar ORA", e non restar eternemente a attender
le eventual construction de un lingua auxiliar PERFECTE. Ille vole
communicar se ORA.

E per isto io vide que ille reguarda altere linguas, como nostre
Interlingua, con bon oculos. Si ille face questiones (al vices in
Esperanto), io percipe isto como un forma de comparar le nove lingua con
le linguas que ille ja cognosce. Apprender per contrasto. Nos totes face
isto.

Salutes, Ken. In mi opinion, tu es benvenite. Io spera que tu resta hic
multe tempore con nos. A usar Interlingua sempre que tu pote, e a contar
nos cosas curiose e divertente super Esperanto le mundo Esperantista!
;^)
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740