Lupo e agno
Un lupo e un agno veniva al mesme riviera,
inducti per le sete. Le lupo stava plus alte,
e le agno plus basse, lontano. Tunc le predator,
incitate per su gurgite inique, inventava un
pretexto al fin de litigar.
"Proque", illo diceva, "tu turbidava le aqua
a me durante que io bibeva?". E le lanose, timorose
replicava: "Como io pote, io quero, facer lo que
tu pretende, lupo? Ab te le aqua flue a mi gorgatas".
Repulsate per le fortia del veritate, le lupo clamava:
"Sex menses retro tu diceva mal de me".
E le agno respondeva: "Certemente io non esseva ancora nate"
"Pro Baccho, tu patre" illo subjungeva "diceva mal de me!";
e assi lo sasiva e lo lacerava, occidente lo injustemente.
Iste fabula es scripte pro ille homines qui opprime
le innocentes con false accusas.
----------------------------------------
Lupus et Agnus
Ad rivum eundem lupus et agnus venerant,
siti compulsi. Superior stabat lupus,
longeque inferior agnus. Tunc fauce improba
latro incitatus iurgii causam intulit;
'Cur' inquit 'turbulentam fecisti mihi
aquam bibenti?' Laniger contra timens
'Qui possum, quaeso, facere quod quereris, lupe?
A te decurrit ad meos haustus liquor'.
Repulsus ille veritatis viribus
'Ante hos sex menses male' ait 'dixisti mihi'.
Respondit agnus 'Equidem natus non eram'.
'Pater hercle tuus' ille inquit 'male dixit mihi';
atque ita correptum lacerat iniusta nece.
Haec propter illos scripta est homines fabula
qui fictis causis innocentes opprimunt.
==========================
Qui esseva Phaedro?
Phaedro esseva un scriptor latin de fabulas del I seculo p.Ch.. Nativo
de Macedonia, ille esseva liberto de Augusto; pois sub Tiberio ille
esseva persequite per Seiano, qui sentiva se offendite per alcun fabula
plus satiric; ma evidentemente ille succedeva a superviver, quia ille
prosequeva a scriber usque al regno de Claudio.
Phaedro introduceva in le poesia latin le genere del fabula, adaptante
al ambiente roman le fabulas esopic.
Su opera non debe totevia esser considerate un simple rielaboration de
illo de Esopo: Phaedro inventava anecdotas historic e plure parve
novellas allegoric. In addition, le accento pessimista que colora le
semplicitate e le naturalitate de su senarios jambic es multo personal.
(nota bibliographic de robocap)
Valete omnes
--
Archivos e disabonar: http://listserv.icors.org/archives/INTERLNG.html
|
