[log in to unmask] wrote:

>Io anque es convencite que le grammatica de Gode e
>Blair non debe esser un lecto de Procurstes ma un
>puncto de partita que suggere le (dis/de)veloppamento
>ulterior de interlingua.
>

---

Ma il es un avantage si on proba sequer lo secundo su
optime capabilitate, viste que illo pote esser le sol
referentia a multes qui non maestra alcun del linguas
mundial mesmo in un maniera medie satisfactori.

Kjell R

---

Forsan si.  Ma on debe notar que in le documentation
original de interlingua il ha multe duplicationes e
lacunas lexicogrammatic e il non ha un corpore de
usatores native de Interlingua pro decider questiones
de usage.

A causa de iste circumstantia, il ha habite disputas
interminabile sur lo que es le interlingua "correcte"
o "pur", le quales, il pare, nunquam va terminar.  Io
trova tal exercitios inutile e un guasto de tempore, e
io prefere non participar in illos multo sovente.

Le sol maniera de standardisar un lingua planificate
es usar lo.  Ex le practicas de omne su usatores
emergera eventualmente un forma assatis consistente ma
non perfectemente standardisate.

__________________________________
Do you Yahoo!?
Yahoo! SiteBuilder - Free web site building tool. Try it!
http://webhosting.yahoo.com/ps/sb/