Car amicos

Depost plure septimanas io face un revision minutiose de omne paginas in
le sito http://www.geocities.com/linguablau - le version retiari* del
Grammar of Interlingua.

Finalmente io ha attingite le ultime pagina del appendice 3 - le texto
exemplari 'Le administration de recercas scientific'.

Mi revision del sito comprendeva le sequentes:

# le correction del numero considerabile de errores typographic (causate
del numerisation/scanamento initial )
# le reparation de plure 'rupturas' in le tabulas que contine le listas
de parolas
# le optimisation del formation e composition de iste tabulas a fin que
le information sia plus clar e accessibile
# le rendimento in litteras italic de omne parolas o elementos grammatic
de Interlingua que se trova intra texto anglese
# le rendimento in litteras italic de omne referentias a categorias
grammatic in le listas de parolas
# le verification de omne ligamines, hic incluse le ligamines a
sectiones numerate
# le additon del ligamines 'pagina previe' e 'pagina sequente' al fundo
de cata pagina
# le metter in function pro le navigator 'Netscape' del ligamine 'Supra'

Io ha justo telecargate omne corrigite paginas al sito ipse. Illos es
nunc visibile.

Il ha etiam un dossier secun formato 'zip' del sito integre (e corrigite) a
http://www.geocities.com/linguablau/index_numerical.html

Pro illes que desira litteras plus grande - vole ben aperir le dossier
'stylo.css' in un editor de texto (Notepad, Simple Texto etc) e cambia
le grandores del attributo 'font' in le sequentes:

p, div, span, li, dt, dd, blockquote {font:12px/16px Verdana, Arial,
Helvetica, sans-serif}

td {font:12px/16px Verdana, Arial, Helvetica, sans-serif;
vertical-align:top}


ab '12px/16px' a alique plus grande, pro exemplo - '16px/20px' .

Si io ha passate super ulle errores, non hesita a avisar me.

Isto es solo le prime phase de duo phases de revision del sito. Io ha in
mente un amelioration del systema de navigation. Tamen, io dara le
benvenita a omne altere suggestiones.

Io spera que vos gaudera del nove corrigite paginas.

cordialmente
Edo


* Web