QUI NON VIDE SONIA?
Le lector Harley Barros, de Manaus, in Amazonas, ha un dubita que le
tormenta desde annos retro -- un ceco de nascentia sonia? Ille demanda a
VEJA de elucidar le mysterio. Si, le cecos tamben sonia. In un reporto de
martio de 1992, VEJA ha publicate un materia special "Le chimia del sonio",
super como le sonios se forma in le mente. Il se tracta solmente de chimia
e independe si le persona vide o non. Durante le somno, un gruppo de
neurones in le base cerebral libera un substantia appellate [acetilcolina],
que precipita impulsos electric intra le cerebro. In le sonio del cecos de
nascentia il non ha imagines. Illes senti movimento, odor e sono.
Obviemente, ille sensationes tamben es presente in le sonios de qui vide.
Mais, in iste personas, le senso del vision predomina super le alteres,
durante que in le caso del personas qui ha nascite sin le vision, il es le
audito que se evidentia. Mais il non es solmente le cecos qui sonia
differente. Studios monstra que homines e feminas ha sonios con contento e
scenario diverse. Infantes parve sonia solmente con sensationes, animales e
objectos. Solmente a partir del 7 annos illes comencia a vider lor proprie
imagine in lor sonios.
Revista VEJA, edition 1590, anno 32, nš 12, 24 de martio de 1999.
Casa editorial ABRIL, de Brasil.
Ensjo.
|
