Car omnes.

Pro usar lo in un articulo jornalistic, nos es interessate in saper, si in
vostre pais le companias de electricitate ha entrate in le mercato de
livrar accesso a Internet, TV etc. per cablos de fibre. Traditionalmente,
presso nos, le societates telephonic ha habite monopolio al rete de cupro
in le terra (i.e. le classic lineas telephonic), ma recentemente le
competition ha devenite plus dur.

Le passo le plus recente es que plure grande livratores de electricitate
ha comenciate placiar cablos de fibre in le terra parallelmente al lineas
usate pro livrar le electricitate. Le livratores de electricitate assi
expecta prender partes del mercato del societates telephonic, nam le
velocitate in le fibres es multo plus grande que in le lineas de cupro.
Assi on pote livrar accesso a Internet in un velocitate enorme e
simultaneemente livrar telephonia per IP, television digital, accesso a
locar videos per le rete etc.

Le societates telephonic naturalmente essaya mantener le mercato, e il ha
multe discussiones, si le livratores de electricitate del toto debe
occupar se de altere cosas que electricitate.

Existe tal solutiones in vostre paises? In caso positive, pote vos inviar
me - eventualmente directemente e non per le lista - un BREVE summario del
situation actual. Per favor, include le nomines del societates in
question, assi que nos ha un fundamento pro investigar un poco plus. Anque
ligamines a paginas in Internet que describe le situation in vostre pais
es benvenite.

Con mi optime salutes
Thomas Breinstrup