STAN MULAIK wrote:

> (...)
> Con respecto al musulmanes de Pakistan,
> io sape que possibilemente illes es
> offendite, proque illes non es sophisticate
> con extensive education (io pensa del
> gentes ordinari).

Cata uno qui lege le anglese pote profitar de
leger le leges de blasphemia que es acquiribile
via le url:
http://www.rationalistinternational.net/

Actual es le caso de doctor Younis Shaikh qui
ha essite sententiate a morto de un basse
instantia pro blasphemia contra islam. Vos pote
leger le texto in anglese del lege de
blasphemia in Pakistan.

Il es anque notande que nulle advocato osava
acciper le defensa de doctor Shaikh; assi forte
es le pression del vulgo.

Tamen Pakistan de nulle modo es unic in isto
que le classe governante ha passate plus in
avantia que le resto del population. Illes qui
como rebelliantes veni in poter plus o minus
tarde apprende que le mundo non ha le aspecto
que on se imagina. Isto partialmente explica le
antiamericanismo in Pakistan e multe altere
paises - non solo islamic - del tertie mundo in
general.

In mi comprension isto non es in alcun modo
"special" pro paises del tertie mondo, illo
etiam pote esser evidente in un pais del prime
mundo. Como quando le population in Svedia
poteva votar contra le proposition de
introducer traffico al latere dextre del vias
(como in le resto de Europa). Ego ben memora
iste campania de referendum - le prime votation
in le qual ego poteva participar - e le
hecatombas de stupiditate que se audiva in iste
campania de longe postea non ha essite
superate, si vos vole creder me.

Lo mesmo concerne multe paises islamic. Le
elite sape ben qual es le mundo, sed le
population ha nulle possibilitate corroborar lo
que se dice a illo in moscheas e altere locos.
Le povre humano vive in un dictatura et
patriarcal et monetari. Multes es sclavos pro
debitas que lor genitores o protogenitores ha
facite a se!

Le statos unite ha ante toto un enorme carga de
information ante se.

Cellus